web counter
LEXO PA REKLAMA!

SHKARKO APP

Ish-kreu i LSI nuk ndal sulmet ndaj Ramës/Diplomaci koreano-veriore

24 Gusht 2017, 16:30, Aktualitet CNA

Ish-kryetari i LSI, Petrit Vasili, ka komentuar sërish situatën e krijuar me rikthimin e vizave për shqiptarët.

Në rrjetet sociale, Vasili shkruan se situata lidhur me vizat është serioze, duke sulmuar njëkohësisht kryeministrin Edi Rama dhe ambasadoren shqiptare në Holandë në lidhje me këtë çështje.

Sipas tij, kjo diplomaci koreano-veriore i duhet shkollëpaktit Edi Rama, duke shtuar se ai kaq kupton.

?Diplomacia koreano-veriore e kryeministrit. Gazeta holandeze ‘De Telegraaf” kthjellon gjithçka dhe situata lidhur me vizat është serioze. Ndërsa ambasadorja shqiptare në Holandë demostroi “kurajo” për të dezinformuar dhe një standard koreano-verior informimi, që të tillë nuk e kanë patur as ambasadorët në kohën e Partisë së Punës. Kjo diplomaci koreano-veriore i duhet shkollëpaktit, kryeministrit tonë. Në fund të fundit kaq kupton…Për të shqiptarët janë të fundit dhe ai punët (…) e tij i ka fjollë?, shkruan Vasili./CityNews





Lajmet e fundit nga