E fundit!

12:22 Politikë

Përpjekje për Zegjinezimin e PD-së

“Zegjinezimi i partisë” po kthehet në një fenomen në skenë...

Kritika e ashpër e ish-ministrit/Rama nuk di si funksionon trupa diplomatike

24 Gusht 2017, 15:37, Aktualitet CNA

Ish-ministri i Jashtëm në qeverinë Berisha, Besnik Mustafaj, ka komentuar kritikat e kryeministrit Edi Rama mbi punën e dobët të ambasadorëve, duke i quajtur ato të pavend.

Në rubrikën ?Opinion?, në News 24, Mustafaj tha se Rama nuk e njeh funksionimin dhe rolin e trupës diplomatike, madje sipas tij, ai nuk njeh as gjuhën që duhet të përdorë me ta.

Më tej, ish-ambasadori foli për mungesën e investimeve të huaja në Shqipëri, duke sqaruar se kjo vjen si pasojë e problemeve që ka vendi brenda dhe jo për shkak të paaftësisë së ambasadorëve për të tërhequr investitorët e huaj.

?Rama tregoi se nuk e njeh funksionimin e jashtëm me të gjitha sistemet demokratike. Përcaktues për rezultatin e ambasadorëve jashtë, është politika e brëndshme. Edhe sot Rama bëri dëgjesë po foli vetëm vetë. Rama duhet të mbajë mend çfarë i tha Merkel kur erdhi këtu, dhe tha se investimet e huaja nuk mund të vijnë për sa kohë ka korrupsion dhe shumë arsye të tjera. Nuk është puna e dobët e ambasadorëve por politika e keqe e brendshme. Rama nuk i njeh detyrat që ka trupa diplomatike. Rama duhet t?i drejtohet me gjuhën që i takon ambasadorëve dhe t?i kërkojë atyre atë që ata mund të bëjnë. Në qeverinë e Ramës nuk ekziston termi ?diplomaci ekonomike?, që është përdorur në qeverinë e vitit 2005. Ministria e Ekonomisë, e Financave dhe e Bujqësisë nuk punojnë në këtë drejtim. S?janë ambasadorët ata që duhet të shpikin. Rama shko me duar në xhepa jashtë vendit, nuk paraqet asnjë ide, dhe prandaj investitorët e huaj nuk vijnë. Fjalimet e tij s?janë të mjaftueshme për të bindur investitorët?, tha Mustafaj.

I pyetur se çfarë duhet bërë për të pasur një trupë diplomatike më të mirë, publicisti tha se shërbimi i jashtëm nuk duhet të përdoret nga politika dhe se duhet të ketë atashe ekonomikë.

?Trupa jonë diplomatike sot nuk është aq e motivuar për të bërë punën si duhet. Shërbimi i jashtëm s?duhet të përdoret nga politika. Shërbimi diplomatik i duhet t?i jepet roli që i takon. Ai duhet të furnizohet me informacione për të cilat ka nevojë për t?ia paraqitur biznesit të huaj. S?kemi në asnjë ambasadë atashe tregtar, atëherë po i kërkon atyre diçka joprofesioniste për ta bërë. Duhet të ketë atashe ekonomikë?, shtoi ish-ministri./CityNews