web counter
LEXO PA REKLAMA!

SHKARKO APP

App Store
Google Play

E fundit!

x

Emrat- Kush janë vrasësit e 22-vjeçarit/Si ndodhi ngjarja e rëndë

1 Gusht 2017, 06:54, Aktualitet CNA

Policia ka zbardhur ngjarjen e rëndë të ndodhur në orët e para të mëngjesit të sotëm në Tiranë, ku u vra me thikë një 22-vjeçar. Ngjarja ka ndodhur pas një sherri mes disa të rinjve, ku ka mbetur i vdekur i riu M. M.

Menjëherë pas vrasjes, policia arrestoi 24-vjeçarin Eugen Bitraj, banues në Tiranë, si autor të krimit, si dhe 3 shtetas të tjerë bashkëpunëtorë në krim: Dejvi Bitraj,19 vjeç, banues në Tiranë, Kridens Alla,19 vjeç, banues Tiranë dhe Marsel Alla, 23 vjeç, banues Tiranë.

Si ndodhi ngjarja

Viktima ishte grindur për motive të dobëta , siç njoftoi Policia, me 19-vjeçarin D.B. Në ndihmë të D.B, ka ardhur kushëriri i tij, E. B. së bashku me dy shokë, K. A. dhe M.A.
Gjatë konfliktit, E.B. ka nxjerrë thikën dhe e ka goditur shtetasin M. M., i cili për pasojë ka gjetur vdekjen në spital.
Si rezultat i reagimit të shpejtë e profesionl të shërbimeve të policisë së Drejtorisë Vendore të Policisë Tiranë është bërë e mundur zbardhja në kohë reale e ngjarjes, kapja dhe shoqërimi i gjithë personave të përfshirë në konflikt.
Në përfundim të veprimeve të para hetimore është bërë arrestimi si autor i ngjarjes i shtetasit: Eugen Bitraj, 24 vjeç, banues në Tiranë.
Si dhe janë arrestuar si bashkëpunëtorë në krim shtetasit: Dejvi Bitraj,19 vjeç, banues në Tiranë, Kridens Alla,19 vjeç, banues Tiranë dhe Marsel Alla, 23 vjeç, banues Tiranë.
Materialet u referuan në Prokurori, në ngarkim të shtetasve të mësipërm, për veprën penale të ?Vrasjes me Dashje e kryer në bashkëpunim ? parashikuar nga nenet 76 dhe 25 e Kodit Penal./CityNews





Lajmet e fundit nga