Largimi i Metës “dobëson” LSI/Ikën një tjetër figurë nga kjo parti

31 Korrik 2017, 18:44, Aktualitet CNA

Administratori i Zall-Herrit në Lëvizjen Socialiste për Integrim, Arben Maloku ka vendosur që të largohet përfundimisht nga LSI për t?iu bashkuar Partisë Socialiste, të cilën e konsideron si familje.

Në një postim në rrjetet sociale, Maloku tregon arsyen e largimit, ndërsa sulmon hapur ish partinë e tij teksa thotë se nuk mund të jetë opozitë ndërsa ka drejtorë në bashki.

Ndër të tjera, Maloku sqaron se s?po bën gjë tjetër veçse po ndjek porosinë e Metës, për ta ndihmuar Veliajn kur punon.

Më poshtë postimi i plotë i tij:

Rikthim te familja ime në PS!

Prej dy vitesh kam shërbyer si Administrator i Zall-Herrit, fryt i bashkëpunimit PS-LSI. Jam munduar çdo ditë t?i qëndroj pranë njerëzve dhe të mbaj ritmin e Kryetarit të Bashkisë Tiranë!

Zall-Herri ka ndryshuar komplet këto dy vite. Dy rrugët e Kasallës dhe të Cekrezës kanë transformuar totalisht zonën e kanë rikthyer shpresën tek ata banorë të vuajur aty! Pa Bashkinë e Tiranës, këto investime do ishin komplet të pamundura. Njerëzve po u legalizohen shtëpitë dhe tani po urbanizohen me rrugë, kanale e ndriçim.

Herën e fundit Erion Veliaj dhe Ilir Meta shtrënguan duart me inaugurimet e reja duke bërë thirrje për më shumë bashkëpunim në interes të komunitetit. Ishte marrëdhënie e vërtetë! Asnjë s?kandidonte në zgjedhjet parlamentare, dhe prapë se prapë i qëndruan fjalës që i dhanë banorëve për mbarimin e rrugëve brenda gjysmës së mandatit të Veliajt.

Fatkeqësisht, pas ikjes së Ilir Metës nga LSI gjërat nuk janë si më parë! Kryetarit të Bashkise nuk iu dhanë votat për shkollat e reja dhe për ujin 24 orë nga LSI, siç kishim rënë dakord. Një ditë pas betimit të Presidentit ku Veliaj ishte nga të paktët socialistë, ai u braktis nga LSI për gjëra që kish bashkëpunim prej vitesh. Pa shkolla e pa ujë, nuk ka të ardhme Tirana. Sot po bëhet thirrje për opozitë kur ne jemi të gjithë ende në Bashki. Largohet nënkryetarja e LSI, por rrinë drejtorët! Si mund të jemi dhe brenda dhe jashtë, dhe bashkë dhe kundra, dhe në pushtet dhe në opozitë?

Ndaj kam vendosur që sot t?i kthehem familjes time Partisë Socialiste sepse dua që puna në Tiranë të vazhdoje, që shkollat të bëhen e Zall Herri e gjithë bashkia të kenë ujë 24 orë. Vetëm kështu e mbaj porosinë që Ilir Meta në 14 Prill tha ?ta mbështesim lali Erin për sa kohë që po punon për Tiranën.? Kryetarin e Bashkisë duhet ta ndihmojmë, jo ta sabotojmë! Nga sot jam me Erionin dhe Partinë Socialiste për më shumë punë të palodhur për qytetin tonë!

Juaji gjithmonë, Arben Maloku, administrator Zall Herr!/CityNews