web counter
LEXO PA REKLAMA!

SHKARKO APP

App Store
Google Play

Rama largoi të gjithë drejtuesit e spitaleve/ Shpërthen ish kreu i LSI: Pse nuk shkarkon veten

31 Korrik 2017, 16:22, Aktualitet CNA

Kryeministri i vendit, Edi Rama përmes një daljeje publike ka shkarkuar ditën e sotme të gjithë drejtuesit e spitaleve si të paaftë në ushtrimin e detyrës së tyre dhe si përgjegjësit kryesor për situatën në të cilën ka mbërritur sot shëndetësia shqiptare.

Në lidhje me këtë ka reaguar ish kreu i LSI, Petrit Vasili, i cili përmes një postimi në rrjetet sociale ka akuzuar Edi Ramën si përgjegjësin kryesor për të gjitha dështimet që janë bërë në shëndetësi.

Jo vetëm kaq, Vasili i bën thirrje Ramës që si kryeministër i vendit, ka ardhur koha që të shkarkojë edhe veten për paaftësi dhe përgjegjësi kryesore.

Më poshtë postimi i plotë i Petrit Vasilit:

Kryeministri i paditur e çoi 270 vjet pas shëndetësinë sepse:

1. Shpartalloi financimin e shëndetësisë me koncesionet.
2. Centralizoi në Ministrinë e Shëndetësisë të gjithë tenderat.
3. Centralizoi çdo emërim në Ministrinë e Shëndetësisë.
4. Dështoi totalisht me “shëndetësinë falas”.

Shkatërroi çdo element të autonomisë spitalore me ndërgjegje të plotë.
Tani fajin ia paskan drejtorët, që i zhveshi nga çdo kompetencë.

Jo! Fajtori i vetëm është kryeministri, i cili rrënoi shendetësinë me anti-strategjinë “të shkatërrojmë gjithçka në emër të shëndetësisë falas”, megjithëse në shëndetësi e pati timonin vetë, që nga dita e parë.

Po ky kryeministër, pse nuk e shkarkon veten?/CityNews





Lajmet e fundit nga