web counter
LEXO PA REKLAMA!

SHKARKO APP

App Store
Google Play

Mund t'ju duket e pabesueshme/Ky është fshati shqiptar me vetëm 2 banorë

31 Korrik 2017, 15:15, Aktualitet CNA

Janë vetëm 15 kilometër larg qytetit, megjithatë jetojnë në izolim të plotë. Dy shqiptarë janë të vetmit banorë të një fshati dhe nuk kanë as telefon, as mjet transporti dhe asgje tjetër veç njëri-tjetrit.

Natyrisht, kjo nuk ka qenë një zgjedhje e mirëmenduar e çiftit, por kanë qenë të detyruar, meqë fshati është braktisur nga të gjithë banorët e tjerë. Burrë dhe grua,  Gjylnaze Berisha dhe Bahtjar Berisha rrëfejnë për ?Klan Kosova? jetën e tyre në fshatin Lez të Prizrenit.

Pa asnjë kontakt me botën, nuk kanë fëmijë apo telefon, çifti jeton në një heshtje tmerruese, ndërsa rrëfejnë se i vetmi mjet transporti që kishin deri më sot ishte kali, i cili tashmë ka ngordhur.

Ata e bëjnë këtë jetë prej 17 vjetësh, pasi në vitin 2000 ishin larguar të gjithë 200 banorët që kishte fshati gjithsej.

Në kushtet e mbijetesës, çifti shpjegon se e kanë të pamundur që të udhëtojnë drejt Prizrenit që është rreth 15 kilometër larg, ndaj janë të detyruar të jetojnë vetëm me prodhimet e bagëtive dhe tokës që kanë.





Lajmet e fundit nga