Shpërthimi në Velipojë-Djali i pronarit tregon si ndodhi ngjarja/ E mora babanë në krahë, por...

30 Korrik 2017, 10:42, Aktualitet CNA

Edhe pse pronari i resortit turistik në Velipojë që shpërtheu dy ditë më parë lufton me jetën në spital, Prokuroria ka ngritur ndaj tij dy akuza, për ?Shkatërrim prone nga pakujdesia? dhe ?Shkelja e rregullave të sigurisë teknike?. Tashmë Prokuroria ka nisur hetimet për ngjarjen e rëndë në Velipojë, ndërsa nën hetim është dhe pronari i resortit Besnik Zenuni.

Ndaj tij mësohet se ka bërë padi edhe Inspektoriati Teknik. Ndërsa burime nga Prokuroria kanë bërë të ditur se pritet ekzaminimi i bërë nga zjarrfikësja, të nisur një procedim penal ndaj shkaktuesve të shpërthimit mëngjesin e së premtes në Velipojë. Po ashtu, mësohet se hetimi do të bëhet edhe ndaj inspektorëve të ISHTI-së, nëse ata kanë kryer kontrolle në ambientin e bodrumit ku ishte vendosur cisterna e gazit 1 mijë litërshe.

Nga shpërthimi i saj mbetëm katër persona të plagosur, ndërsa shkatërroi plotësisht restorantin në pronësi të shtetasit Besnik Zenuni, i cili gjeti vdekjen pas plagëve të marra. Edhe i biri, Hektori ka pësuar djegie në 70% të trupit. Ndërkohë, nga hetimi i kryer, burimet thonë se shkak i shpërthimit ka qenë rrjedhja e gazit të çisternës së vendosur në bodrumin e resorit turistik.

Rrëfimi

Hektor Zenuni ndodhet i shtruar në Repartin e Djegie Plastikës në QSUT-së në Tiranë. Ai ka pësuar djegie në 70% të trupit. Ai mësohet të jetë i vetëdijshëm dhe u ka treguar hetuesve se ku ka qenë momentin e shpërthimit dhe veprimet që kishte kryer. Sipas të riut, kur ndodhi ngjarja kishin pak kohë që e kishin hapur lokalin.

Babai i tij kishte zbritur në bodrum për të rregulluar çisternën me gaz, pasi ishte e prishur. Por, në një moment Hektori tregon se ka dëgjuar një shpërthim. Menjëherë është futur në bodrum dhe ka gjetur të atin të shtrirë në tokë. ?Isha në banak kohën kur dëgjova shpërthimin. Zbrita menjëherë të shikoja se çfarë ndodhi, por pashë të shtrirë babanë. E mora menjëherë në krahë për ta nxjerrë jashtë, por pas disa sekondash ndodhi një shpërthim tjetër.

Më shtyu fort përpara dhe që nga ky moment nuk mbaj mend se çfarë ndodhi. Jam zgjuar në spital?, është shprehur 33-vjeçari. Të dy atë e bir u plagosën rëndë nga shpërthimi, që lëndoi edhe disa persona të tjerë dhe vuri në rrezik jetën e shumë pushuesve.

Sipas verifikimeve të para të policisë dhe prokurorisë, çisterna e gazit me 1 mijë litra ishte vendosur poshtë lokalit, në një bodrum jashtë kushteve teknike dhe pa lejet përkatëse. Grupi hetimor bën të ditur se rrjedhja e gazit ka ardhur nga çisterna, e cila ka provokuar më pas shpërthimin dhe përhapjen e flakëve, ndërsa bombolat në lokal nuk kanë shpërthyer.

E para që u erdhi në ndihmë të plagosurve ishte një pushuese, e cila u përpoq të hiqte nga rrezja e shpërthimit një nga të lënduarit kur të gjithë të tjerët ikën të trembur. E dëmtuar nga ngjarja ishte edhe infermierja e qendrës shëndetësore të Velipojës. Vjollca Voci ishte e para që mbërriti në vendin e ngjarjes për të ndihmuar të plagosurit.

?Në momentin që kam hipur në ambulancë kam telefonuar zjarrfikësit. Kur kemi mbërritur aty kemi gjetur njerëz duke bërtitur e të trembur. Asnjë nuk i ishte afruar djalit të plagosur. Iu afrova dhe i thash ?rri i qetë se je mirë?, ka treguar Voci për mediat. Vetë ajo ishte e lënduara e katërt, e cila u dërgua ne spital, por fatmirësisht pa dëme serioze. ?Kur hyra në pallat, tymi më asfiksoi dhe nuk mbaj mend gjë. Dola jashtë dhe kur arrita në spital kuptova që isha në duart e mjekëve.

Si ky rast nuk ka ndodhur ndonjëherë. Druheshim për më shumë njerëz të lënduar, por falë Zotit mbaroi me aq?, thotë infermierja. Ndërkohë, ngjarja e rëndë ndodhi orët e paradites së premte. Vala e shpërthimit ka goditur më së shumti pronarin e resorit, 55-vjeçarin, Besnik Zenuni, i cili ndodhet në gjendje të rëndë.

Ditën e ngjarjes, dëshmitarët tregonin se flaka doli nga kuzhina e lokalit, ndërsa fatmirësisht aty ndodheshin shumë pak persona. Tre klientë sapo po largoheshin dhe fatmirësisht shpëtuan, ndërsa vala e flakës goditi 19?vjeçaren nga Kosova që ndodhej pranë. Flaka mësohet se ishte shumë e madhe, sa u ngjit shumë lart, duke përfshirë të gjitha ballkonet dhe dritaret e resorit 5 katesh. Një pjesë e madhe e turistëve nga Kosova si pasojë e kësaj ngjarjeje thanë se humbën dokumentet e tyre personale.

Statistika

Shtatëmuajshi i parë i vitit 2017 numëron plot 13 shpërthime të bombolave të gazit. Burime zyrtare nga Policia e Shtetit bënë të ditur se nga këto shpërthime të ndodhura në të gjithë vendin është shkaktuar një dëm ekonomik mjaft i lartë dhe ka një numër të lartë të plagosurish.

Ndërsa vetëm një i moshuar ka humbur jetën. sipas burimeve, nga 13 shpërthimet e ndodhura që nga janari deri në korrik të 2017-ës, ka një dëm ekonomik prej 4 milionë euro. Ekspertizat e hetimeve të prokurorisë kanë nxjerrë se dëmi ekonomik përfshin dëmtimet në banesa, biznese, si dhe koston mjekësore të paguar nga shteti për të lënduarit në këtë periudhë dhe në të gjitha rastet ka rezultuar se bombolat ose kanë qenë jashtë parametrave teknik ose janë vendosur në shkelje ligjore. Shpërthimi i parë ka ndodhur në 12 Janar, në Bilisht.

Në këtë ngjarje mbetën të plagosura dy infermiere, të cilat ishin duke u ngrohura me një ngrohëse me gaz. Një javë më pas, ka ndodhur një tjetër shpërthim më Bulqizë, ku mbetën disa persona të plagosur. Më 15 shkurt, në qytetin e Vlorës një shpërthim përfshiu një lokal duke lënë të plagosur rëndë dy persona. Ndërsa më 25 shkurt, në periferi të Tiranës, në Vaqarr si pasojë e shpërthimit të bombolës janë plagosur tre persona.

Në muajin Mars, shpërthimi i bombolës së gazit do të shënohej në Shkodër, ku në lagjen ?Nezmi Kryeziu? flakët shkrumbuan kati e dytë të një banese duke u lënduar 2 persona dhe duke shkaktuar viktimën e parë, 74-vjeçarin Haki Hoxha. 19 Prill 2017, shpërthimi i bombolës që përdorej për gatim la të lënduar./Shekulli