web counter
LEXO PA REKLAMA!

SHKARKO APP

App Store
Google Play

Lulzim Basha pazar me Veliajn për kullat e betonit në Tiranë

28 Korrik 2017, 11:18, Aktualitet CNA

Lulzim Basha tentoi ta spostonte debatin politik tek votimi i rritjes së çmimit të ujit në Tiranë, pas kalimit të dy këshilltarëve të LSI dhe PS.

Në fakt me këtë lëvizje Lulzim Basha nuk bëri asgjë tjetër thjesht i shërbeu pazarit të tij me Erion Veliajn.

Një Pazar që është i lidhur me kullat e betonit që do të ngrihen në Tiranë, të cilat do të investohen nga oligarkë që kanë lidhje të forta me Lulzim Bashën dhe familjarët e tij.

Basha për të shpëtuar Veliajn, në një moment të vështirë, ashtu si edhe Meta, bëri një tjetër hap. Ky i fundit i dha dy këshilltarë, ndërsa Luli i ofroi një tjetër mbështetje, duke tërhequr vëmendjen dhe duke dështuar një protestë që po organizohej përpara bashkisë.

Mësohet se Basha ka urdhëruar bashkëpunëtorët e tij që të mos ngatërrohen me protestën, por të bëhen vetëm disa veprime nga drejtues të grupit të këshilltarëve të PD.

Protesta dy ditë më parë dështoi dhe mënjëherë Lulzim Basha e spostoi vëmendjen te debati me LSI për të bërë të mundur që të harrohej i akuzuari dhe përgjegjësi kryesor që është Erion Veliaj.

Ky shërbim i Lulzim Bashës vjen pas pazareve dhe reagimeve në lidhje me planin urbanistik të Tiranës dhe kullat e betonit që do të ndërtohen në kryeqytet.

Burime i thanë CityNews se Erion Veliaj nuk ka ndryshuar asnjë nga kullat e betonit apo investimet e parapërgatitura nga Lulzim Basha. Ai i ka vazhduar ato dhe përkundrazi u ka shtuar edhe nga një kat.

Për më tepër Veliaj jo vetëm që ka shtuar katet dhe kullat e betonit, por nuk ka ndërhyrë për të prishur asnjë nga pazaret e fëlliqura korruptive të Bashës në planin urbanistik të Tiranës.

Ato ndryshime që janë bërë thjesht dhe vetëm kanë shtuar betonin dhe milionat e eurove të interesave të Lulzim Bashës.

Por tashmë pasi ia ka garantuar, Veliaj ka pritur shpërblimin e tij politik, që e mori nga dy lëvizjet e fundit të kryetarit të PD, i cili në fakt nuk është gjë tjetër, por thjesht dhe vetëm një miliarder i lidhur me interesat korruptive të oligarkeve, Edi Ramës, Ilir Metës dhe Erion Veliajt./CityNews





Lajmet e fundit nga