E fundit!

08:09 Shëndeti

Të ftohurit nga korrenti pas djersitjes, nuk është thjesht një mit gjyshesh, por një kërcënim real

A ju ka nxitur ndonjëherë kureshtja se si reagon trupi...

Zbulohen detajet/Pse Basha hoqi “senatorët” nga lista e deputetëve të Partisë Demokratike

28 Korrik 2017, 09:40, Aktualitet CNA

Një debat i madh përfshiu Partinë Demokratike pas marrëveshjes së Lulzim Bashës me Edi Ramën, rreth një muaj para datës së zgjedhjeve.

Pasi qëndroi për 90 ditë në çadër, Lulzim Basha shtrëngoi dorën me Edi Ramën, braktisi të gjitha kauzat, u fut në zgjedhje me një qëllim të vetëm të garantonte pushtetin e tij në PD.

Çdo hap dhe çdo veprim ai e bëri vetëm me një qëllim, të garantonte një marrëveshje të plotë me Ramën, që e çonte në qeveri në muajin shtator.

Pikërisht këtu fillon edhe lëvizja e Lulzim Bashës për të garantuar karrigen e tij dhe një qeveri të qetë dhe të sigurt me kryeminsitrin Edi Rama, Lulzim Basha filloi t?i hapte rrugën vetes.

Basha ka qenë i bindur se Jozefina Topalli, Majlinda Bregu, Astrit Patozi, Ridvan Bode, Genc Ruli etj do ta kundërshtonin ashpër bashkëqeverisjen e tij me Edi Ramën.

Luli nuk donte andralla dhe siklete, me një goditje zgjidhte dy probleme, siguronte partinë dhe veten e tij, më pas shkonte në qeveri për të kënaqur xhepat e tij dhe të atyre që i vinin nga pas.

Skenari i dytë i dështoi, sepse Edi Rama siguroi i vetëm 74 mandate dhe Lulzim Basha e çoi PD në katastrofën historike elektorale.

Në rast se Rama i vetëm nuk do të siguronte 71 mandate, Lulzim Basha do të shkonte në qeveri, por për ëktë do të kishte reagimin e fortë të senatorëve demokratë dhe kjo ishte një nga arsyet më të forta pse i largoi. Pra për pazaret e tij me Edi Ramën, Lulzim Basha goditi elitën e Partisë Demokratike.

Më pas i ngeli të realizonte pikën e dytë, atë të zgjedhjes në krye të partisë, ?senatorët? ishin jashtë procesi.

Ata nuk mundën ta ndalnin Lulzim Bashën në krye të PD, por denoncuan një proces fals dhe i treguan opinionit publik se kush ishte njeriu me maskë që pas buzëqeshjes fshihte tradhtinë ndaj demokratëve.

Dy kanë qenë pikat kryesore, qeveria e qetë me Ramën dhe marrja e partisë.

Të parën e humbi por të dytën e fitoi, këtë e realizoi duke goditur elitën politike të partisë dhe duke marrë në krah një grup servilësh, mercenarësh me mandate të blera, tek-tuk dhe ndonjë politikan që mund t?i duhet për ta këshilluar./CityNews