E fundit!

22:50 Aktualitet

Rreth 4 orë protestë/ Qytetarët vijojnë marshimin, thirrje kundër Ramës

Mijëra qytetarë po vijojnë përmes marshimit protestën e 29...

Artan Fuga publikon foton alarmante dhe kërkon publikisht ndihmë/Ndërhyni sa më parë

28 Korrik 2017, 07:45, Aktualitet CNA

Akademiku dhe profesori i njohur Artan Fuga teksa ka postuar një foto të zonës ku ai banon, pra ?Myslym Shyri?, ka kërkuar publikisht ndihmë.

Sipas Fugës fekalet po rrëshqasin drejt bulevardit dhe duhet ndërhyrë sa më parë sepse jemi në prag të një kolere masive.

Më poshtë shkrimi i plotë i Artan Fugës:

Statusi i plotë

Fekalet po rrëshkasin drejt bulevardit ?Myslym Shyri? Tiranë!

Ndihmë, lutem bashkia të ndërhyjë.

Ora 22 e e 28 minuta!

Rrezik kolere! Njerëzit mbajnë hundën me dorë, të tjerë pllaq plluq mbi to se kujtojnë se u bë deti kos dhe janë ujra të nëndheshme që sillen kastile për të freskuar vapën.

Unë vërtet kam shkruar librin ?Rënia e Qytetit? që po tëe duan autoritetet e qytetit ua shpjegoj kuptimin ku dhe kur të duan ata, unë e di se qyteti ynë shqepet në një anë sapo qepet diku gjetkë.

Por, megjithatë unë nuk dua që qyteti të bjerë nën llava fekalesh!

Miku im, filozofi francez Valade e përkufizon postmodernitetin si bashkëjetesë e të kundërtave më ekstreme.

Sonte shihja makina luksoze që rrëshqisnin katër rrota e tyre aktive mbi fekale robsh të varfër.

Dihet drejtësia hyjnore. Ne të gjithë një ditë do të kthehemi në fekale, por ama sa kohë jemi ende qenie të gjalla dëshirojmë të mos vdesim nga kolera.

Këmbët e cojnë pisllikun nëpër shtëpi ku ka fëmijë, në restorante ku gatuhet, në salla pritjesh ku ka njerëz delikatë, në salla mbledhjesh ku debatohen ceshtje të mëdha globale.

Lutemi shpëtojini këta njerëz që një pjesë jo e vogël janë aq të nënshtruar, aq të binbdur, aq të fjetur, saqë ecin në fekale dhe nuk e dinë se kanë të drejtë të jetojnë në dinjitet!

Unë kam besim te ndërhyrja e bashkisë!

Tirana e kam thënë gjithmonë është një halé e madhe por jo për faj të saj!

Më kanë sharë se kam qenë gjoja pesimist. Hajdeni pra te rruga Him Kolli që rrëshket mbi ?Myslym Shyri?-n dhe do ta shihni të vërtetën e m? vetë ju!

Me përulje qytetare!

Artan Fuga

Anëtar i Akademisë të Shkencave/CityNews