web counter
LEXO PA REKLAMA!

SHKARKO APP

App Store
Google Play

E fundit!

x

Kush duhet arrestuar Kryeministri, kryetarët e partive apo kryebashkiakët

28 Korrik 2017, 08:35, Aktualitet CNA

Policia e Elbasanit, në bashkëpunim me specialistë të OSHEE-së, kanë evidentuar dy raste të vjedhjes së energjisë elektrike, ku njëri prej autorëve është arrestuar në flagrancë dhe një tjetër ndiqet në gjendje të lirë.

Ky është lajmi më i fundit nga fusha e shmangies së detyrimeve të pagesës së energjisë elektrike i publikuar nga CityNws. Burimi zyrtar i tij është Drejtoria Rajonale e Elbasanit, që konfirmon se i arrestuari është një biznesmen, kurse tjetri qytetar. Që të dy të ndëshkuar për shkelje të ligjit, që e ndalon shmangien e detyrimit për pagesën e energjisë elektrike. Dy të ndëshkuarit e sotëm i shtohen armatës së të tillëve gjatë viteve të shkuara.

Ndëshkimi i tyre ka ardhur si rrjedhojë e strategjisë së qeverisë Rama për të ndalur katastrofën financiare ku ndodhej OSHEE në vigjilje të marrjes së pushtetit nga ana e tij. Gjë që ndikoi në përmirësimin e situatës, por duke mos arritur ta disiplinoj atë në raportet e vjeljes së detyrimeve prej institucioneve të shtetit. Sepse mospaguesit më të mëdhenj të energjisë elektrike rezultojnë të jenë pikërisht këta.

?Kryeministria si seli, ka shtatë vite pa paguar energjinë elektrike. Partia Demokratike, ka njëmbëdhjetë vite pa paguar, ndërsa Partia Socialiste ka trembëdhjetë vite që nuk paguan energji elektrike?, raportonte dje media, duke përfshirë në listën e debitorëve të OSHEE edhe dyzetë e tetë bashki të reja, që prej pesëmbëdhjetë vitesh nuk po e paguajnë energji elektrike.

Sesa është vlera aktuale e kësaj debie ende nuk është bërë një bilanc detyrimesh, shkruante  ?Telegraf?, që në vijim njoftonte: kujtojmë që në vitin 2012, Ministria e Financave nxori një urdhër, për të sekuestruar vlerën 86 milionë euro energji elektrike të konsumuar nga bashkitë e komunat, nëpërmjet ndalimit të vlerave përkatëse në buxhetet e tyre!  Ky urdhër u ekzekutua nëpërmjet Thesarit të Shtetit vetëm për 2-3 bashki që drejtoheshin nga ish-opozita ?Rilindje? dhe, prej 5 vitesh u ndal e nuk po zbatohet më, duke thelluar borxhin në arkën e detyrimeve të prapambetura të OSHEE (shtetit).

Ironia në këtë histori qëndron në faktin se përgjegjësit zyrtarë për këtë debi ndaj OSHEE vijojnë të qëndrojnë të patrazuar, ndërsa qytetarë e biznese denoncohen e raportohen për procedime dhe burgosje pas kapjes në flagrancë, për vjedhje e mospagesë të energjisë elektrike.

Krahas ndërmarrjes së këtyre masave ndëshkuese drastike këtyre të fundit u ndërpritet edhe energjia, ndërsa u lejohet thellimi i borxhit dhe furnizimi me rrymë 2134 institucioneve, pjesë e strukturës shtetërore, që e harxhojnë pa e paguar. Ajo që mbetet për tu pyetur në këtë rast është fakti se kush nga kjo ushtri zyrtarësh është përgjegjës për këtë debi ndaj OSHEE-së: Kryeministri, kryetarët e partive e ata të bashkive? Sepse nisur nga ekzistenca e ligjit ndëshkues dhe zbatimit të tij dikush duhet të ndëshkohet. / CityNews





Lajmet e fundit nga