web counter
LEXO PA REKLAMA!

SHKARKO APP

App Store
Google Play

E fundit!

x

Pse LSI nuk është në opozitë?!

27 Korrik 2017, 09:53, Aktualitet CNA

Monika Kryemadhi shpalli daljen e LSI në opozitë dhe tha se tashmë shqiptarët do të shikojnë një opozitë të vërtetë.

Në fakt dje nuk bënë asgjë tjetër, thjesht dhe vetëm i treguan opinionit publik se LSI nuk është në opozitë.

Këtë e pamë në votimin në Këshillin Bashkiak të Tiranës, ku LSI votoi rritjen e çmimit të ujit dhe i dha një mbështetje të hapur Erion Veliajt.

LSI nuk është në opozitë jo vetëm për shkak të pazareve në Bashkinë e Tiranës, por për shkak të pazareve në të gjitha bashkitë e Shqipërisë.

Në Durrës nga 51 këshilltarë në Këshillin bashkiak, PD ka 16 dhe LSI 13, të dyja sëbashku do ta vendosnin Vangjush Dakon me shpatulla pas muri dhe megjithëse është në opozitë, LSI është në krah të Dakos.

Në Tiranë nga 61 këshilltarë, PD ka 19 dhe LSI 13, ç?ka tregon se të dyja sëbashku mund të ishin opozitë e vërtetë, jo ashtu siç ndodhi dje.

Në Korçë nga 41 këshilltarë, PD ka 12 dhe LSI 8, me bashkimin e votave dhe kalimin e Metës vërtetë në opozitë, raportet do të ishin mjaft të vështira.

Në Elbasan nga 51 këshilltarë, PD ka 16 dhe LSI ka 10, një bashkim i tyre do t?ia vështirësonte së tepërmi punën Qazim Sejdinit.

Por nuk po ndodh kështu, LSI vazhdon të qendrojë në pushtet, mjafton të shohim sjelljet në pushtetin vendor, aty ku ka thela është LSI dhe Ilir Meta, atë që se merr dot në qeveri do të vazhdojë ta marrë në pushtetin vendor.

Prandaj LSI nuk është në opozitë, LSI është pushtet dhe në aleancë me Edi Ramën, të gjitha të tjerat janë për të gënjyer opinionin publik./CityNews





Lajmet e fundit nga