web counter
LEXO PA REKLAMA!

SHKARKO APP

App Store
Google Play

E fundit!

x

Ironia therëse e Artan Fugës/Nuk keni ujë, pini Coca-Cola

27 Korrik 2017, 07:53, Aktualitet CNA

Një ditë pas votimit të rritjes së çmimit të ujit në Këshillin Bashkiak, me votat e dy këshilltarëve të LSI dhe PS ka reaguar edhe akademiku dhe profesori i njohur Artan Fuga.

Artan Fuga në një postim në rrjetet sociale, teksa ironizon situatën e krijuar thotë se çmimi i ujit që pimë, lahemi, apo përdorim për nevojat tona përcaktohet nga shkalla e amoralitetit politik.

Shkrimi i plotë i Fugës:

Çmimi i ujit që pimë, lahemi, përdorim nëpër dushe, ËC, bëjmë supën, taratorin, dhallën, dje u përcaktua nga:

Shkalla e amoralitetit politik brenda një grupimi këshilltarësh, pra atyre të LSI.

Shkalla e korruptimit politik nga administrata.

Marrëdhënia e bashkisë me mediat.

Numri i militantëve gjoja protestues te shkallët e bashkisë.

Paaftësia e opozitës për veprim politik.

Etj. dukuri jo ekonomike.

E kuptoni o njerëz se në çfarë derexheje ka arritur menaxhimimi i hapësirave urbane???

Ekonomia dhe administrimi nuk përcaktohen nga nevojat tona, nuk drejtohet nga logjika ekonomike, por thjesht nga trafiqet e influencave politike dhe nga humori i individëve që as i njohim as na njohin, as i kemi zgjedhur as na përfaqësojnë.

Por, vazhdoni flini, bëni gjumin e vapës dhe blini ujin në dyqan se ai është çmimi i vërtetë i ujit që na kanë hedhur si dush i ftohtë mbi kokë kryetarët e bashkive në këto njëzet vjet.

Flini dhe votoni me gurmazin të tharë nga etja!

Nuk keni ujë? Pini coca cola!/CityNews





Lajmet e fundit nga