web counter
LEXO PA REKLAMA!

SHKARKO APP

E fundit!

x

Kapet në flagrancë biznesmeni/ Vidhte energji elektrike

27 Korrik 2017, 09:19, Aktualitet CNA

Efektivat  e  Drejtorisë   Vendore  të  Policisë   Elbasan, në bashkëpunim me Specialistë të OSHEE-së,  kanë evidentuar dy raste të vjedhjes së energjisë elektrike, njëri është arrestuar në flagrancë dhe një tjetër ndiqet në gjendje të lirë.

Mësohet se nga kontrollet e kryera, u konstatuan dy raste të vjedhjes së energjisë elektrike, konkretisht  një rast është evidentuar në biznesin e shtetasit Aranit Haka dhe një rast tjetër në banesë me lidhje të paligjshme.

Specialistët   për  Krimet,  në Komisariatin e Policisë  Elbasan  bënë arrestimin  në flagrancë të shtetasit Aranit Haka, 40 vjeç banues  në fshatin Vidhas, i cili kishte cënuar  vulat e aparatit matës.

Arrestimi i tij, u bë pasi gjatë kontrollit të ushtruar nga specialistë të OSHEE-së  në biznesin e tij në fshatin Vidhas u konstatua se ky shtetas dyshohet se kishte  cënuar vulat e aparatit matës të energjisë elektrike.

Në  këtë  kuadër, nga Specialistët  për Krimet, në Komisariatin e Policisë Librazhd   janë  referuar  materialet  në  Prokurorinë  e  Rrethit  Gjyqësor  Elbasan  për procedim në gjëndje të lirë në ngarkim të shtetasit SH.G., 45 vjeç banues në fshatin Prevallë./CityNews





Lajmet e fundit nga