E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mesazhet/Burri i gjykatëses kërcënon "CityNews"-in

26 Korrik 2017, 08:06, Aktualitet CNA

Idi Zhegu, quhet bashkëshorti i gjykatëses Suela Zhegu, i cili po kërcënon përmes mesazheve në rrjetet sociale, por edhe numrat e kontaktit, pas shkrimeve të publikuara në media disa kohë më parë për bashkëshorten e tij, gjykatësen Suela Zhegu.

Në një material të publikuar pak kohë më parë nga gazeta “Shqiptarja.com”, gjyqtarja Zhegu akuzohet për një problematikë me lidhje familjare. Materiali, duke cituar burimin, është ripublikuar nga “CityNews”. Por nga Idi Zhegu, bashkëshorti i gjykatëses, me numër telefoni 0682046522 , në një profil në rrjetin facebook, është kërkuar heqja e materialit.

Materiali është hequr prej nesh që prej datës 18 qershor, jo sepse ishim në shkelje të ligjit, apo kishim abuzuar me detyrën, por duke qenë se ishim ripublikues dhe nga ankuesi pretendohej se botuesi kryesor e kishte hequr materialin, ne e hoqëm.

Por, fatkeqësisht, edhe pas heqjes së materialit, në dy ditët e fundit, bashkëshorti i gjykatëses Suela Zhegu vazhdon me fyerje, shpifje dhe kërcënime në inboxin e faqes tonë zyrtare në rrjetet sociale, por edhe në numrin privat të drejtuesit të CityNews.

?Hasmërinë e ke prej meje, jeta është e gjatë?, është një pjesë e mesazhit të shkruar nga Idi Zhegu, të cilin ne po e sjellim të plotë më poshtë.

Mesazhet kanë ardhur në mesnatën e ditës së djeshme, por ne nuk mund ta konfirmojmë dot ku ka qenë në atë moment Idi Zhegu, në krah të bashkëshortes apo diku tjetër.

Sqarimi ynë dhe denoncimi i tanishëm vjen për të treguar se nuk mjaftojnë vetëm sistemi i Drejtësisë së korruptuar në Shqipëri, që po kalon në hallka kontrolli për shkak të korrupsionit dhe abuzimit me ligjin, por tashmë qytetarët, opinioni publik, dhe vetë gazetarët duhet të dëgjojnë dhe të marrin kërcënime nga burrat apo gratë e gjykatësve.

Më poshtë po sjellim SMS, duke përsëritur njoftimin se CityNews do t?i drejtohet me kallëzim institucioneve përgjegjëse, për të kërkuar ndërhyrjen e tyre dhe zbatimin e ligjit./CityNews