web counter
LEXO PA REKLAMA!

SHKARKO APP

App Store
Google Play

Të rinjtë e LSI kundërshtuan rritjen e çmimit të ujit/ Reagon Kryemadhi

25 Korrik 2017, 19:32, Aktualitet CNA

Ditën e sotme Këshilltarët e LSI në Bashki kanë dalë hapur kundër rritjes së çmimit të ujit.

Ata kanë dalë në një deklaratë të përbashkët për mediat ku kanë theksuar se do të japë votën ?pro? nëse realizohen dy kushte: çmime të diferencuara për bizneset dhe qytetarët në nevojë, ndërsa propozimi i dytë lidhet me familjet që janë në skemë të ndihmës sociale.

Lidhur me këtë qëndrim të të rinjve të LSI, ka reaguar edhe kryetarja Monika Kryemadhi.

Nëpërmjet një statusi në rrjete sociale Kryemadhi ka përgëzuar për kurajon dhe vendosmërinë grupin e keshilltarëve të LSI-së në Bashkinë e Tiranës. Ajo shkruan se me këtë qëndrim,  këshilltarët e LSI-së treguan sot se më shumë se kartoni dhe karriget në këshill ka rëndësi shërbimi ndaj qytetarëve.

?Përgëzoj sot për kurajon dhe vendosmërinë grupin e keshilltarëve të LSI-së në Bashkinë e Tiranës.

Më shumë se çdo aksion politik, sot është e rëndësishme të ravijëzohet një opozitë e vërtetë dhe konstruktive, pa kompromise dhe interesa të mëdha a të vogla. Shqipëria sot ka nevojë për një opozitë që lufton dhe përpiqet për qytetarët dhe jo për partitë politike. Këshilltarët e LSI-së treguan sot se më shumë se kartoni dhe karriget në këshill ka rëndësi shërbimi ndaj qytetarëve, se më shumë se opinioni i grupeve të ngushta të interesit është parësor shërbimi ndaj qytetarëve. Ky është dhe do të mbetet qendrimi yne!?, shkruan Kryemadhi.





Lajmet e fundit nga