E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gënjeshtra e Veliajt për ujin dhe mashtrimi me kredinë

25 Korrik 2017, 17:14, Aktualitet CNA

Kryebashkiaku Veliaj duke folur sot në Këshillin Bashkiak ka kërkuar të argumentojë dyshifishim e çmimit të ujit dhe tarifat e tij në kryeqytet.Veliaj tha se çmimi i ujit në Tiranë kushton 45 lekë më pak se në Korçë dhe se do të merrte një kredi për ujësjellësin, prandaj duhej të rriste tarifat.

Ndoshta çmimi i ujit në Tiranë është më i lirë se në Korçë, por Veliaj nuk thotë një detaj. Çmimi i ujit në Korçë është rritur pasi këtij qyteti i është siguruar furnizimi i plotë 24 orë me ujë të pijshëm.

E ndërsa në Tiranë, ujë ka 4 apo 6 orë në ditë, në Korçë ka 24 orë ujë, dhe atje ku uji nuk ndalet asnjë sekond tarifa është më e lartë, por edhe shërbimi është i plotë.

Në Tiranë s?ka ujë dhe Veliaj rrit çmimin, ndërsa në Korçë ka ndodhur e kundërta. U sigurua furnizimi me ujë pastaj u rrit çmimi. Në Tiranë çmimi po rritet për të marrë një kredi, në Korçë çmimi i ujit u rrit pas marrjes së kredisë dhe kryerjes së plotë të investimit nga KFW Bank.

Mashtrimi i Veliajt është një tjetër lëvizje e tij për të gjetur argument justifikues për një veprim abuziv.

Kryebashkiaku i Tiranës është njeriu që në dy vjet në çdo veprim të tij ka rritur vetëm taksat për qytetarët dhe nuk është marrë me mirëadministrimin fiskal apo përmirësimin e cilësisë së shërbimit.

Si në rastin e rritjes së biletës së transportit publik ku çmimi iu rrit kurse shërbimi u përkeqësua. Për të pasur më shumë ujë, pa diskutim që Tirana ka nevojë për investim, por përpara se të rrisë çmimin për të kursyer më shumë para, Veliaj do të ishte mirë të pushonte nga puna shpurrën e militantëve socialist që punojnë në UKT (Ujësjellës Kanalizime Tiranë), ndërrmarje e cila prej dy vjetësh është kthyer në bazën e punësimit të çdo socialisti që kishte ngelur pa një rob.

Veliaj gënjen me çmimin e Korcës, gënjen dhe nuk flet për mirëadministrimin e ujësjellësit dhe orarëve të furnizimit. Qëllimi i vetëm i tij është marrja e një kredie që do të pasohet nga një tender dhjetëra miliona euro, tender i cili do të zhvillohet nga ai vetë ku dhe do të kërkojë rrëmbimin e përqindjeve që i ?takojnë?.

Veliaj nuk rrit çmimin për një investim apo për një mirëadministrin, ai e rrit për një tender dhe për një kredi, që në përfundim do të çojnë disa miliona euro në xhepat e tij./CityNews