Lulzim Basha apo kunati i tij, kush i helmoi militantët e PD?!

12 Korrik 2017, 12:16, Aktualitet CNA

Prokuroria dje më në fund së bashku me ekspertët ka dhënë versionin zyrtar, të asaj që mund të quhet incident apo djegie e qëllimshme e një turme të madhe protestuesish në mitingun hapës të fushatës elektorale Partisë Demokratike në qershor.

Në fakt në momentet e para u akuzua qeveria. Mediat pranë Partisë Demokratike, theksonin se ishte një helmim masiv. Fillimisht u përpoq të ngrihej një frymë dhe më shumë një tymnajë, se ishte qeveria shkaktare apo faktorë të jashtëm që e kishin bërë me qëllim degien e protestuesve demokratë.

Por çfarë rezulton? Në fakt del gjithçka pas ekspertizës, rezulton se kanë qenë prozhektorët. CityNews raportoi në atë kohë se kanë qenë pikërisht ata që dyshoheshin se mund të kishin shkaktuar degien. Shumica e njerëzve që ishin pranë prozhektorëve, ishin ata që u dëmtuan më shumë, përfshirë dhe Lulzim Bashën, i cili ishte në qendër të tyre.

A i dogji Lulzim Basha? Jo, aspak. A i dogjën familjarët e tij? Kjo ka dyshime, sepse prapavija e Lulzim Bashës është kunati i tij, imazhi është kompania e kunatit të tij.

Mjafton të shkosh në PD dhe të gjithë të thonë, deputetë dhe politikanë, se nga dita që në selinë e Partisë Demokratike ka hyrë Lulzim Basha, Erion Isufi dhe kompania që ka nga pas merret me gjithçka që nevojë Lulzim Basha në lidhje me aspektin e imazhit, pra me organzimin, backstage-t, fonitë, ndriçimin dhe gjithçka tjetër. Këtë e dinë të gjithë në Partinë Demokratike.

Tani Lulzim Basha duhet të japë përgjigje, është vetë apo kunati i tij Erion Isufi, ai që dogji protestuesit në ditën e hapjes së fushatës elektorale. Është Edi Rama, është Ilir Meta, apo janë forca të jashtme?

Kush është personi që ka lidhur kontratën me kompaninë që ka vendosur prozhektorë? Sa i ka kushtuar Partisë Demokratike? A ka lidhje Lulzim Basha dhe kunati i tij me këtë veprim dhe a është marrë me porositë e Erion Isufit, kompania që ka vendosur prozhektorët e ndriçimit në ditën e çeljes së fushatës elektorale të Partisë Demokratike.

Lulzim Basha duhet të përgjigjet, shkaktari kryesor i djegies së qindra protestuesve është ai dhe vetëm ai./CityNews