Nga Fatos LUBONJA / Qeverisje direkt me popullin, forma ekstreme e keqqeverisjes

12 Korrik 2017, 09:43, Aktualitet CNA

Pasi e ka degraduar për katër vjet elektoratin e partisë opozitare duke e quajtur ?dele? dhe kryetarin e saj ?dështak?, pasi ka punuar për të kastruar shoqërinë civili deri në atë pikë saqë, pastaj, ka ngritur pyetjen, ?ku është shoqëria civile që t?i çoj një tufë lule në varr??, pasi ka skualifikuar tërë gazetarët kritikën, duke i quajtur ?kazan?, pasi bëri pakt me Metën për të nxjerrë Bashën nga protesta në çadër dhe pastaj me Bashën për ta akuzuar Metën si ?shushunjë?, Edi Ramës i duket se me rezultatin që arriti në votime i ka eleminuar të gjitha këto pengesa. I ka cilësuar si e keqja e Shqipërisë që u mund nga populli (në fakt nga paratë e drogës) dhe tani po shtron platformën e tij të qeverisjes, pa i llogaritur më këta faktorë.

Emri që i ka vënë kësaj platforme është ?bashkëqeverisje direkt me popullin?. Me një fjalë tashmë kush ka probleme që kanë të bëjnë me keqeverisjen apo nevojën e ndryshimit të ndonjë gjëje, nuk ka pse të humbasë kohë e energji të organizohet në shoqëri civile, as pse t?u drejtohet mediave, e aq më pak të mendojë të organizohet në opozitën e vjetër apo me ndonjë parti opozitare të re. Mjafton të komunikojë direkt me liderin suprem dhe gjithçka do të shkojë si jo më mirë?.

Në fakt, një variant të zbehtë të kësaj ideje, sa të vjetër, aq edhe të re, e ka përdorur edhe paraardhësi i tij Sali Berisha. A nuk iu kujtohet numri i telefonit të tij ku qytetarët mund të çonin SMS të ankoheshin? Po qytetari dixhital që, në vend që të ankohet në institucione, ankohet te lideri legjendar i opozitës Berisha? Sigurisht, kush e ka marrë seriozisht se Edi Rama ka nevojë vërtet të dëgjojë ankesa e kritika të njerëzve të popullit që të përmijësojë punën e tij, gabohet. Po të kishte nevojë vërtetë për të dëgjuar kritika, dhe do t?i merrte ato seriozisht, ai do të vraponte tek Erjon Veliaj, sapo të shihte qytetarët duke protestuar për parkun që u rrëmbeu fëmijëve pa pikë turpi një javë, pasi u rrëmbeu votën.

Jo. Kjo qeverisje direkt me popullin duke anashkaluar institucionet është krejt tjetër gjë, nga mirëqeverisja, është bash forma ekstreme e keqqeverisjes. Në thelbin e saj qëndron ideja (e gabuar) e kultit të pagabueshëm së liderit suprem, i cili, i shtyrë nga nevoja e sëmurë për gjithëpushtetshmëri, mendon se ai i mjafton dhe i tepron popullit të vet, i liderit që, për të rritur gjithëpushtetshmërinë, përdor idenë tjetër të gabuar se: populli është i pagabueshëm, për të eleminuar kundërshtarët e tij?.

Duke parë historinë tonë mund të thuash se në këta 100 vjet shqiptarët kanë mësuar pak apo aspak nga historia e tyre tragjike me liderë supremë. Prandaj dhe e kanë provuar përsëritjen e historisë së tyre në forma, edhe pse të ndryshme, gjithmonë tragjike, edhe në kohën e Zogut, edhe në kohën e Hoxhës, edhe në kohën e paskomunizmit që nesër mund të quhet edhe koha e Berishës, e Nanos, e Metës, e Ramës. Mefshtësia me të cilën është reaguar dhe po reagohet, ndaj arrogancës së Ramës , dhe ndaj kësaj aventure të tij të re, është shenjë e një historie që po përsëritet në formën e një tragjedie të re??, shkruan, ndër të tjera, Fatos Lubonja në një shkrim opinion të publikuar sot në gazetën ?Panorama?, të titulluar: ?Bashkëqeverisja me popullin, antiinstitucionale e antidemokratike?.

*Titulli i shkrimit është i redaksisë së CityNews