web counter
LEXO PA REKLAMA!

SHKARKO APP

App Store
Google Play

E fundit!

x

Artan Fuga kritikon rëndë Bashën: Pse fitoi Partia Socialiste, PD-ja nuk bëri fushatë fare

12 Korrik 2017, 09:09, Aktualitet CNA

Akademiku Artan Fuga në një intervistë me studentët në News24 komentoi dhe krahasoi fushatën e Partisë Socialiste me atë të Partisë Demokratike. Sipas Fugës fushata e PS ishte perfekte, ndërsa PD nuk bëri fushatë fare.

Gjithashtu Profesor Artan Fuga tha se nuk i ka interesuar ndonjëherë se kush i fiton zgjedhjet dhe se nuk do të futej në politikë për arsye se nuk ka përputhshmëri me partitë politike në Shqipëri.

?Ajo që mua në procesin e zgjedhjeve më erdhi keq është fakti se që nuk u krijuan kushte politike për të grisur ligjin e arsimit të lartë. Kjo e lë Shqipërinë në një kuadër politik të 40 viteve më parë. Unë jam për të drejta politike studentore, pasi ata nuk kanë të drejta. Unë kurrikulën do e ndjek vet, do e mbajë përgjegjësinë vetë. Ana politike mua më vjen keq që çështja nuk arriti deri aty sa klasa politike, kundër ligjit të arsimit ë lartë është LIBRA, LSI, PD dhe mjaft zëra që nuk artikulohen me zë të lartë, edhe brenda PS. Koalicionet politiken dhe axhendat politike bëhen mbi kurriz të arsyes. Ligji vihet mbi arsyen. Mua nuk më bëhet vonë se kush fitoi dhe kush humbi. PD nuk bëri fushatë, është e thjeshtë. PS e bëri fushatën në mënyrë perfekte. Të papara ishin batutat. Unë e ndjek në mënyrë shumë të përditësuar literaturën shkencore për politikën. Merrem tërë ditën. Partitë e sotme në media nuk bëjnë programe. Programi është për shkolla. Sot bëhet art. Votova për PD?, tha Fuga./CityNews





Lajmet e fundit nga