web counter
LEXO PA REKLAMA!

SHKARKO APP

App Store
Google Play

A do t’ja ndal hovin revolucionar Lulzim Bashës lëvizja antiBasha

12 Korrik 2017, 11:00, Aktualitet CNA

Pasditen e sotme ish zvendëkryetari dhe kryesuesi i grupit parlamentar të  Partisë Demokratike, Astrit Patozi, do të çel turin mbarëkombëtar të lëvizjes antiBasha me një takim të paralajmëruar me demokratët e qytetit bregdetar të Durrësit.

Nisja e aksionit për mbrojtjen e vlerave statutore të shkatërruara nga Lulzim Basha vjen pas disa thirrjeve, që të ashtuquajturit prej këtij të fundit si ?garda e vjetër?, i kanë adresuar kryetarit të vetëngrirë për mënyrën sesi e ka drejtuar dhe po e orienton partinë, e cila me humbjen në zgjedhjet e 25 qershorit morri goditjen më të rendë historike.

Lëvizja e pjesës elitare të PD-së, e kryesuar nga Astrit Patozi, vjen ndërkohë që jo pak përfaqësi të bazës e rindezën zjarrin  e kundërshtimit të garës farsë antistatutore që ka iniciuar Lulzim Basha, nëpërmjet peticioneve, dhe kur u duk se senatorët e kësaj force politike u tërhoqën nga beteja për largimin e Lulzim Bashës, nga kreu drejtues partisë.

Elitarët e akuzojnë kryetarin e vetëngrirë si përgjegjësin kryesor për humbjen e thellë në 25 qershor, por edhe për keqmenaxhimin e partisë gjatë katër viteve. Argumentat dhe faktet që ata paraqesin në motivim të lëvizjes së tyre antiBasha janë mëse të përligjura, mirëpo a do të kenë ato forcën për të ndezur zjarrin që do të përvëloj ambicien e pandalëshme të Lulzim Bashës për të qenë ende në krye të partisë edhe pas disfatës së turpëshme e për ta kthyer kështu edhe këtë humbje të thellë në favor të tij?

Takimi i sotëm i Astrit Patozit, në Durrës do të jetë barometri që do të tregojë ecurinë e ditëve të ardhëshme të aksionit politik antiBasha. Megjithse pas largimit të Osman Stafës nga kreu i PD së Durrësit në krye të degës Lulzim Basha ka emëruar Oerd Bylykbashin, duke sjellë shumë pakënaqësi, grupi  mbështetës i Stafës ( por jo vetëm, thonë burimet e CityNews nga Durrwsi). është pozicionuar hapur kundër Lulzim Bashës, duke premtuar kështu një nisje të mbarë të betejës për largimin e tij./CityNews





Lajmet e fundit nga