web counter
LEXO PA REKLAMA!

SHKARKO APP

App Store
Google Play

Nga Andi MUHAMETAJ/DITA TIPIKE E NJË SERVILI

2 Korrik 2017, 14:30, Aktualitet CNA

Servili është një specie e veçantë që e gjen kudo në jetën tonë të përditëshme. Patjetër që servilizmi nuk mund të evitohet, sidomos këtu në Shqipëri, ku meritokracia është thuajse inekzistente dhe servili shpërblehet në të gjitha nivelet.

Kureshtja ime për këtë fenomen shoqëror është shtuar së fundmi, në kuadër të situatës aktuale poltike. Pikërisht kjo kureshtje më ka bërë t’i futem aq thellë në analizë këtij fenomeni, saqë kam projektuar një ditë tipike të një servili, që nga mëngjesi kur zgjohet deri ne dark kur fle gjumë:

1. Gjëja e parë që servili bën që në mengjës është të evidentoj personat kyç kujt do i lëpihet ditën e sotme. Patjetër që evidentimi i personave do bëhet në përputhje me interesat të ngushta personale, ku do të përdoret cdo mënyrë që t’i mbushi mendjen (madje duke thënë dhe bërë gjëra që nuk i beson si të vërteta) të lëpirit që ai është më i miri, në mënyrë që të përfitoj nga ky i fundit.

2. Pas evidentimit, servili vesh arsenalin e armëve, arsenal i cili e ndihmon për të mbajtur ekuilibrin në mungesë të shtyllës kurrizore. Armët tipike janë furçat, llapa, rryli, për të mos harruar edhe armët më avancuara si intriga, gënjeshtra, spiunllëku, baltosja etj.

3. Hapi radhës konsiston në evidentimin e pikave ku targeti i cili është për t’u lëpirë ka gjasa të ndodhet, në menyrë që servili ta takoj në mënyrë të “papritur” dhe të filloj më servilizmat e tij.
4. Pasi arti i servilizmit është aplikuar mbi targetin, ka ardhur koha që servili të kundërshtoj, baltosi, sulmoj me intigra, shpifje, gënjeshtra vërbërisht dhe pa argumenta të gjithë ata që nuk e përkrahin haptazi të lëpirin.

5. Pasi ka plotësuar ciklin ditor, servili bie në gjumë duke ëndërruar që një ditë të gjithë servilizmat e tij do të shpërblehen.

6. Repeat

PS. Ajo që nuk kuptojnë i lëpiri dhe lëpirësi është që po nuk pati një pikpamje tjetër apo vështrim kritik në një grup, nuk mund të ketë progres./CityNews

Anëtar i Kryesisë së FRPDSH





Lajmet e fundit nga