Pse Edi Rama nuk na duhet si kryeministër (Video)

29 Maj 2017, 08:45, Aktualitet CNA

Për më pak se një muaj shqiptarët do të japin verdiktin e tyre, duke zgjedhur se kush do të jetë fituesi i zgjedhjeve dhe më pas do të presin qeverinë e re dhe kryeministrin e vendit. Ky mund të jetë Edi Rama, por mund të jetë dhe dikush tjetër, në rast se Basha dhe Meta do të ketë mundësinë që së bashku të shkojnë mbi 70 mandate. Por, le të qëndrojnë te Rama dhe pse s?na duhet ky i fundit kryeministër.

Së pari, për premtimet e tij të pambajtura, ato premtime të shfrenuara të katër viteve më parë, kur na tha se do të hapte 300 mijë vende pune, kur tha se do të ulte taksat, kur tha se do të kishin shëndetësi falas dhe do të ndalte rrënimin që kishte Shqipëria, sipas tij, nga qeverisja Berisha.

Le t?iu kthehemi fakteve.

Edi Rama flet në spotin e tij për 300 mijë vende pune. Ato jo vetëm nuk janë hapur, por siç raportohet janë të paktën 250 mijë shqiptarë, që kanë marrë arratinë në rrugët e Evropës dhe botës. Në qoftë se braktisjen e vendit do ta quajmë vend të ri pune, atëherë jemi dakord me kryeministrin.

Një ulje të taksave dhe taksim të ndershëm premtonte kryeministri. Në fakt, nuk ndodhi aspak ashtu. Taksat u rritën dhe këtë e ka thënë publikisht ministri i Financave, i cili ka theksuar se kthimi në taksën e esheshtë do t?i kushtonte buxhetit të shtetit 500 milionë euro.

A thua kaq shumë para janë mbeldhur nga mirëadministrit fiskal apo janë thjeshtë të ardhura që u krijuan nga rritja e taksave?

Ka në rritje me 50% të taksave dhe kjo vjen nga një llogar e thjeshtë. Akasa e sheshtë ishte 10%, sot në Shqipëri taksa më e ulët fillon nga 15%.

Kollona e tretë e kryeministrit Rama në fushatën e 2013 ishte shëndetësia falas. Besojmë se shqiptarët e dinë mjaft mirë cfarë është shëdnetësia falas. Nuk mund të themi se nuk ka investime në shëndetësi, por dhe nuk mund të mohojmë se ka koncesione me dhjetëra miliona euro, që dyshohen si afera të mirëfillta korruptive, të cilat i janë dhënë klientelës së kryeministrit me urdhër të tij apo të dikujt tjetër, kjo ka pak rëndësi.

Mjaftojnë këto tri shtylla, që janë tre premtime të pambajtura të Edi Ramës, për të thënë ?Ja pse Edi Rama nuk na duhet më kryeministër?. Se po të fillojmë të analizojmë ligjin klientelist të universiteteve, mbështetjen për fermerët apo pensionistët, Edi Rama nuk duhet të kandidonte më, por këtë nuk ia ndalim dot. Tani është thjesht dhe vetëm një moment, hedhja e fletës në kutinë e votimit, të tjerat do të na duhet të presim edhe katër vjet për t?i analizuar dhe gjykuar./CityNews