E fundit!

08:13 Kosova & Bota

Britania planifikon kufizime gjatë natës në rrjetet sociale për adoleshentët

Qeveria britanike ka njoftuar plane për të vendosur kufizi...

Lulzim Basha në Fier, ftesë Ramës për debat në television

29 Maj 2017, 05:45, Aktualitet CNA

Lulzim Basha dhe ekipi i tij hapin fushatën në Qarkun e Fierit. I pranishëm, kreu i Këshillit për Politikat Kombëtare në SHBA, Bob McEwen

?Unë nuk do të jem kryeministri i palmave. Unë nuk do të jem kryeministri i shatërvaneve. Nuk do të jem kryeministri i ekspozitave. Nuk do të paguaj kurrë 900 euro palmën kur me ato para mund të ushqejmë 10 familje në ndihmë ekonomike. Unë do të jem kryeministër i shqiptarëve. Nuk ka shtet të fortë pa ekonomi të fortë?.

?Sonte e ftoj këtu nga Fieri për një debat televiziv me kandidatin për Kryeministër të Republikës së Re. Edi Rama, mund të shëtisësh në Shqipëri duke treguar barcaleta por nuk i çon dot katër javë me barcaleta. Eja në debat, bëj bilancin tënd! Unë bilancin tim! Ti programin tënd! Unë programin tim dhe qytetarët të vendosinin me votën e tyre. Ftesën e bëra publike. Po s?e pate dëgjuar po ta nis edhe me shkrim?, tha Basha, para njerëzve të pranishëm në celjen e fushatës për Qarkun e Fierit.

Lideri demokrati tha se shqiptarët sot bëjnë bilancin e katër viteve të cilin kundërshtari i tij nuk e ka.

?Në fushatë do të ketë fishekzjarrë, do të ketë truke, do të ketë gjeste dhe batuta që i ka shumë qejf Edi Rama, vdes për batuta, e dini ju. Të gjitha këto kanë një qëllim, të heqin vëmendjen e qytetarëve nga çështjet kryesore që shtrohen për zgjidhje?.

Çështja kryesore që shtrohet për zgjidhje është:

A kemi sot më shumë vende pune?

A kemi sot taksa më të ulëta?

A kemi sot shëndetësi falas?

A kemi sot universitete me tarifa më të ulëta për më shumë studentë?

A kemi sot çmimin e energgjisë më të ulët?

Po fermerët, a kanë marrë subvencione?

A keni pensione më të larta pensionistë?

?E pra, këto janë çështjet për të cilat gjithsecili prej jush do të bëjë llogaritë e do të vendosë me votë me 25 Qershor?, tha Basha.

Kryetari i opozitës u shpreh më tej se:

Republika e vjetër u shpalos më në fund, e nxori fytyrën e vërtetë, është një komplot i një grushti politikanësh që e përdori politikën siç e do vetë Edi Rama si lojë shahu, dhe qytetarët si gurë shahu. Për ta, ky është thjesht një teatër kukullash, një shfaqje për t?i marrë mendjen një populli të tërë ndërkohë që zhysin duart e tyre në asetet e vendit, në xhepat tuaja, në taksat tuaja dhe ditë për ditë ju varfëroheni dhe një grusht politikanësh pasurohen.

Kjo duhet të marrë fund. 300 mijë vende pune premtoi. Askush nuk e harron. Premtoi shëndetësi falas. Premtoi se 97% e shqiptarëve do paguanin më pak taksa dhe sot nga mëngjesi deri në darkë merret me gjithçka tjetër, përveçse të japë llogari para shqiptarëve. Me gjithçka tjetër, dhe me ekipin tim. Ok e kuptoj që merret, e shan. E shan sepse ekipi im e frikëson sepse është ekipi juaj, sepse është ekipi i fitores.

Basha tha se Rama merret me gjithcka, por nuk flet asnjë fjalë për premtimet e tij.

Pse nuk e bëre shëndetësinë falas?

Pse nuk ule taksat siç premtove?

Pse nuk i mbështete pensionistët siç premtove?

Pse nuk i mbështet shtresat në nevojë siç premtove?

Republika e re, tha më tej Basha do të ndreqë padrejtësitë ndaj shqiptarëve. Ai u shpreh se ka programin që do zhvillojë ekonominë e shqiptarëve.

Shqipëria janë njerëzit, jo fasadat, jo palmat, dhe unë do të jem kryeministri i njerëzve, kryeministri juaj. Prioriteti im i padiskutueshëm nga mëngjesi deri në darkë do të jetë ekonomia, vendet e punës, mirëqënia. Jo palmat, jo ekspozitat, jo fasadat?, u shpreh Basha.

Unë kam një plan, theksoi lideri I opozitës, të hartuar me ekspertët më të mirë të CDU-së gjermane të dërguarit e kancelares Angela Merkel pranë Lulzim Bashës, që i urojmë fitoren në zgjedhjet që e presin dhe e falenderoj nga zemra për ekipin që çoi në Partinë Demokratike, për programin ekonomik të shqiptarëve, të Republikës së Re.

?Republika e Re, o fermerë do të thotë subvencione për çdo familje, në bazë të prodhimi, pa nipt dhe burrokraci. Çdo familje do të marrë mesatarisht 50 mijë lekë për dynym dhe një shumë për krerët e bagëtive dhe të tjera fusha të zhvillimit rural. Dua ta përsëris këtu, në prani të mikut tonë amerikan. Një premtim që ç?është e vërteta ia kam marrë Presidentit Trump. Trau i doganës shqiptare do të mbyllet njëherë e mirë për prodhimet bujqësore që konkurojnë padrejtësisht djersën e fermerëve shqiptarë?, tha Basha.

Përpara qytetarëve të Fierit foli edhe kryetari i Këshillit për Politikat Kombëtare në SHBA, Bob McEwen i cili u shpreh se vota për Lulzim Bashën është një votë pro afrimit të Shqipërisë me perëndimin. ?Javën e kaluar, 28 vende dhe liderë u mblodhën në Bruksel. Kryeministri i Shqipërisë ishte atje për të përfaqësuar Shqipërinë si vend i NATO-s, por ai ai nuk e mbështeti NATO-n. Ne e dimë se në çfarë drejtimi Lulzim Basha do ta çojë Shqipërinë. Jeni ju që do ta merrni këtë vendim ditën e zgjedhjeve. Ju dhe ne bashkë e njohim këtë vend të madh. E dimë sa të mirë janë qytetarët shqiptarë. Dhe njeriun që ne duam, që liderët e botës ta mendojnë si kryeministrin e ardhshëm të Shqipërisë, është Lulzim Basha?, tha ish-kongresmeni amerikan.