E fundit!

11:01 Aktualitet

Klodjan Braho mesazh të qartë politikës: Për SPAK të gjithë janë të barabartë para ligjit

Kreu i SPAK Klodjan Braho i ka përcjellë mesazhin e qartë ...

Video-Si mashtroi Lulzim Basha/Dikur sherr me Henri Çilin, tani i "thur" lavde!

28 Maj 2017, 19:20, Aktualitet CNA

Kreu demokrat, Lulzim Basha, publikoi dy ditë më parë listat e kandidatëve për deputetë për zgjedhjet e 25 qershorit. Basha kishte përjashtuar nga lista figurat kryesore të PD, duke i zëvendësuar me emra të rinj e të panjohur. Ajo që binte në sy në listat e Bashës ishte dhe fakti që në to ishin përfshirë gati gjithë çeta e Henri Çilit. Klani i tij në PD kishte zëvë vendet kryesore në lista, ku pritet që në shtator të ulen në Kuvend.

Por, çfarë thoshte Lulzim Basha për Henri Çilin më parë?

CityNews iu sjell një video, që tregon qartë mënyrën se si mashtron kreu demokrat. Në një përballje të drejtpërdrejtë televizive, Basha dhe Çili përplasen ashpër, duke degraduar bisedën deri në fyerje. Henri Çili njihet si një mbështetës i Bashës, deri me ardhjen në pushtet të Edi Ramës, kohë kur ai do të kalonte papritur në krah të tij dhe do të niste ?luftën? me liderin e opozitës.

Përplasjet dhe akuzat duket se janë harruar shumë shpejt dhe tani në PD kemi një numër të madh të emrave të lidhur me Çilin në lista. Njëri prej tyre është edhe Romeo Gurakuqi, i cili kryeson listën e Shkodrës, pra është e sigurt që do jetë deputet. Një ditë më parë, në hapjen e fushatës elektorale të PD, Lulzim Basha, duke harruar ato që kishte thënë për Çilin, doli e foli para shqiptarëve për vlerat e këtij njeriu. Basha tha se me Romeo Gurakuqin krenohet të gjithë shqiptarët, madje dhe vetë ai.

Atë që dikur kreu demokrat e quante ?shërbëtor të qeverisë?, tashmë e ka futur në gjithandej në listat e PD, duke e kthyer kështu ?shërbëtorin e qeverisë? në ?shërbëtor? dhe të opozitës./CityNews