E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Arsyeja e fortë pse në Qarkun e Korçës do fitojë PD-ja

28 Maj 2017, 17:11, Aktualitet CNA

Partia Demokratike i ka ofruar Qarkut të Korçës një buqetë me karafila, të cilën e kryeson një karafile. Ajo është e vardhë dhe në krye të buqetës një profesoreshë e nderuar si Vali Duka. Por, që shkon në Korçë si ish-sekretare e rinisë të PPSH dhe kandidate e Genc Pollos në vitin 2001, që i shkaktoi humbje demokratëve.

I dyti në listë, por i pari për nga rëndësia është karafili Ervin Salianji, më i bukuri nga të gjithë. Një arsye shumë e fortë pse demokratët, korçarët, qytetaria e Korçës, duhet të votojë PD është pikërisht Salianji. Ky ?ortak? i Sadri Abazit, ky kushëri i dytë i Ilir Metës është goditja më e bukur e Lulzim Bashës. E cili socialist do votojë për PS? E cili LSI-ist do votojë për LSI? Ata kanë gjakun e tyre, shpirtin e tyre të dytin si kandidat nga PD.

Karaifili i tretë është një ish-drejtor i akuzuar jo pak, bashkëpunëtor i ngushtë i Niko Peleshit, i cili flitet se ka paguar një shumë parash për të qenë në listë. Është ai që punoi me PS në vitin 2013, që të fitonte Rilindja.

Më pas, një tjetër karafil është vezullues, me mendimet e tij menduese, ai të befason. E si mund të mungonte karafili i mesit, e si mund të mos ishte në listë një ish-drejtor arsimi i akuzuar se merrte 2000 mijë euro për një emërim. Një humbës klasik, një shkatërruar dhe shpartallues i PD. Ky është nga ata karafilat që Niko Peleshi e nguli në PD.

Besojmë arsyet e mësipërme janë të mjaftueshme, mjafton vetëm emri i kryekarafilit dhe lidhjet e tij me PS e LSI, që demokratët, PD të fitojë në Qarkun e Korçës. Nuk kanë ç?iu duhen votat e djathta, karafili numër dy është i pandalshëm dhe fitues, lumi i tij i votave do përmbytë Shqipërinë.

Shpresojmë që karafilat të mos vyshken, ata i përshëndesim me këngën ?Karaifilat që m?ka Shkodra?, sepse këngë për karafilat e Korçës nuk ka, ata janë të vërtetë, nuk mund të jenë pjesë e këngës./CityNews