web counter
LEXO PA REKLAMA!

SHKARKO APP

App Store
Google Play

E fundit!

x

Përjetoi “ferrin” për 16 vite me gruan por ia la asaj fëmijët/Rrëfimi prekës i babait emigrant

28 Maj 2017, 14:52, Aktualitet CNA

Jorgo vjen nga Greqia për të ftuar dy fëmijët e tij në rubrikën ?Ka një mesazh për ty? në ?E diela shqiptare? pasi pavarësisht divorcit së tij me të ëmën e tyre, ai ka qenë dhe do të jetë gjithmonë pranë.

Jorgo rrëfen historinë e njohjes me ish-bashkëshorten e tij, duke thënë se ka ndodhur me shkuesi në vitin 1998. Ata janë martuar dhe kanë sjellë në jetë dy fëmijë, Marjanën 17-vjeçare dhe Marion 12- vjeçar. Konfliktet në këtë çift kanë nisur që prej muajve të parë të martesës së tyre, për shkak të mospërputhjes së karaktereve. Pas shumë tentativash për të gjetur një rrugëzgjidhje, pas 16 vitesh Jorgo vendos të divorcohet.

?Mua më vjen turp që ta them këtë gjë, por ka ardhur momenti që ish-bashkëshortja ime ka arritur në atë kategori, betohem në Zot, që edhe ka kyçur fëmijët brenda për të mos dalë për të luajtur. Ajo nxirrte pretekstin se do bëhet pis fëmija, do ftohet, do nxehet në behar. Më besoni që edhe kur shkonin nipërit e mi në det, fëmijët e mi kishin një farë zilie se do të realizohet apo s?do realizohet plazhi për ta. S?kishte momente që të mos krijohej konflikt ndërmjet meje dhe ish-bashkëshortes sime, pra për të çuar fëmijët në det, në çdo lloj argëtimi.?

Pas një ndërhyrje që bëri ish-bashkëshortja e Jorgos, mjekët u thanë së rrezikonin të mos bënin më fëmijë. Pas një jave iu komunikua se ishte momenti i duhur për të bërë fëmijën e dytë, në qoftë se do të dëshironin. Jorgo rrëfen se e bën fëmijën e dytë me idenë se diçka do të ndryshonte në marrëdhënien e tyre, por nuk ndodhi kështu.

Në vitin 2009 Jorgo vendos të largohet dhe shkon në Agrio, te një i afërmi i tij. Ai shprehet se ka komunikuar me fëmijët nëpërmjet telefonit në mënyrë të vazhdueshme, ndërsa me ish-bashkëshorten ka komunikuar vetëm një herë, kur ajo i ka thënë se ka reflektuar që të vazhdojnë martesën e tyre, por pas pak kohësh filloi gjithçka nga e para. ?Njeriu është gatuar i tillë, pra unë nuk pashë asnjë lloj ndryshimi.

Më doli djali përpara dhe në fytyrën e tij unë pashë një trishtim, një mosbesim, një lodhje, një mërzitje? I jam betuar vetes se nuk mund ta përsëris më largimin. I kërkoj falje atij djali që nuk e realizova dot. Konfliktet po vazhdonin, nuk dija se si të veproja ??Jorgo tregon se i ka kërkuar ish-bashkëshortes të takojnë një psikologe për të marrë një vendim.
Psikologia i ka thënë se kishte dy zgjedhje, ose ta pranonte ish-bashkëshorten siç ishte ose të ndahej. Jorgo nuk mund të ndahej, pasi fëmijët ishin të vegjël, ndaj së bashku me psikologen arritën në konkluzionin që ai të divorcohej kur të rriteshin fëmijët.

?Për sa i përket vendosjes se me kë do të shkonin fëmijët, e kam marrë në pyetje vajzën time dhe pashë në sytë e saj një trishtim, lodhje, frikë. U mendova mirë dhe i kam thënë që kam mendimin që ju të shkoni me mamanë se dhe mami të mos konsiderohet e vetmuar, e braktisur. Vajza kishte të njëjtin mendim. Duke vendosur vajza, gjyqi s?ka si qëllim që t?i ndajë fëmijët, pra shkoi dhe djali. Fëmija im, duke mos pasur besim te mamaja, për 7-8 muaj rrinte me mua, flinte me mua, hante me mua. Duke pasur parasysh se ç?mund të bëjë një baba për fëmijën.

Jorgo thotë se nuk ndihej mirë që i biri të mos takonte të ëmën, pasi e bija jetonte në konvikt dhe ajo ndihej e vetmuar dhe e braktisur. ?I kam thirrur këtu sepse po shikoj që këta fëmija janë shumë të vrarë, të lodhur, të mërzitur, pra kanë humbur disi besimin ndaj nënës, pse jo edhe ndaj meje.

Dua t?u tregoj se babi do të jetë pranë tyre edhe sekondat e fundit të jetës sime.? Marjana dhe Mario pranojnë ftesën për të qenë pjesë e rubrikës ?Ka një mesazh për ty? dhe vijnë në studion e ?E diela shqiptare?. Të pyetur nga Arditi se kush mund të jetë personi që u ka bërë surprizën, Marjana thotë se në fillim mendoi se ishte i ati, por duke qenë se ai erdhi me ta, mendojnë se nuk është ai dhe mund të jetë halla e tyre. Ata shikojnë në ekranin e murit ndarës të atin dhe Marjana thotë se e dinte

Jorgo ? Marjana, nuk mund të pres momentin e fundit sepse dua t?ju ngre në krahë. Nuk mund ta besoj që u realizua kjo dëshirë e imja. Jeni gjëja më e shtrenjtë për mua, të jeni të sigurt për këtë gjë. Ju kam si dritën e syve të mi, jeni të mrekullueshëm. Marjana të lutem shumë, pas divorcit, rezultatet e tua kanë rënë, prandaj do dëshiroja me mundimin tënd t?i rrisje pak rezultatet. Marjana ? Nuk është gjëja më e lehtë.

Jorgo ? Sigurisht që nuk është e lehtë, është e vështirë. Ne i kemi diskutuar këto gjëra bashkë, por dua të gjesh forcën dhe kurajon që t?i rrisësh pak. Të flas pak me Marion? Mario të kam shpirt, je zemra ime.

Jorgo ? Kemi problemet tona, por ne do të ngelemi gjithë jetën prindër për ju. Mario unë e thashë këtu në emision që në vitin 2009 babi u shkëput nga Greqia për arsyet tona dhe unë i dhashë një premtim vetvetes, të cilin nuk e mbajta. Të kërkoj falje shpirt.
Mario ? S?ka gjë.
Jorgo ? Kam ardhur këtu që t?ju shpreh se në rast se ju e shihni të arsyeshme, duke pasur parasysh situatat, që kemi kaluar shumë probleme, babi është i gatshëm që t?ju marrë kujdestarinë. Babi përqafon fëmijët e tij, duke na treguar se pavarësisht gjithçkaje, familja do të jetë gjithmonë e bashkuar./tv klan





Lajmet e fundit nga