E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Kush e helmoi Lulzim Bashën?

28 Maj 2017, 11:59, Aktualitet CNA

Rreth 80 persona, përfshirë kreun e PD, Lulzim Basha, pas dështimit të mitingut të djeshëm janë shfaqur në dyert e spitaleve, duke u ekzaminuar me probleme shëndetësore, si skuqje e djegie sysh dhe lëkure.

CityNews së pari shpreh solidaritetin e plotë me qytetarët dhe nga ana tjetër u uron shërim të shpejtë, por në këtë analizën tonë të mëposhtme, duam që edhe ata vetë sado militantë qofshin të kuptojnë se çfarë ka ndodhur. Për këtë le të ngremë disa dyshime.

Së pari le të pranojmë faktin se mund t?i ketë helmuar Edi Rama. Në një analizë të thjeshtë na rezulton se Rama dhe Basha kanë një marrëveshje që shkon deri në bashkëqeverisjen e nesërme. Kreu i qeverisë nuk ka më në kontroll ministrinë eBrendshme dhe ministrinë Shëndetësisë për të fshehur gjurmët e autorëve që ndoshta i ka urdhëruar vetë i ka urdhëruar. Për më tepër, përse i duhej Ramës të helmonte, mbështetësit e PD, kur në fakt në miting nuk ishin më shumë se dy mijë veta dhe ishte dita e qametit për Bashën. Vetëm në rast se Rama ka urdhëruar një akt të tillë kriminal për të ndihmuar, aleatin dhe mikun e tij më të ri, Lulzim Bashën.

Së dyti duhet të analizojmë faktin se mund të jetë një akt i mundshëm terrorist nga qarqe antishqiptare, ose atyre që u intereson të nxisin destabiliteitn në rajon, pas qetësisë që u fitua së fundmi dhe veçanërisht në Shqipëri pas marrëveshjes Rama-Basha. Po ta shohim si akt terrorist duhet të analizojmë se çfarë lënde është përdorur kjo do të hetohet nga Ministria e Brendshme dhe Ministria e Shëndetësië, institucione që i ka vetë Lulzim Basha.

Ndërsa podiumin, pjesën e skenës dhe gjithë infrstrukturën brenda zonës së mitingut e ka kunati i Lulzim Bashës, pasi ai është firma që merret me infrastrukturën në raste të tilla. Pra rrethimin e jashtëm e ka Policia dhe sigurinë tek objektet, ndërsa atë podiumin e ndërton dhe e kontrollon vetë kunati i Bashës, Erjon Isufi.

Së treti mund të jetë ndoshta një aksident për shkak të lëndëve dhe gazit që përdoret, ndoshta për të mbushur tollumbacet apo materiale të përdorura për skenën.

Nuk mund shmanget edhe mundësia e një helmimi për shkak të dezifenktimit që mund t?i jetë bërë zonës pas çadrës, por të gjitha këto janë hipoteza.

Dy nga shkaqet kryesore të provuara janë fakti që njerëzit ndodhen në spital dhe fakti që perimetin e brendshëm të protestës e ka në dorë kunati i Lulzim Bashës.

Është autori apo jo Edi Rama, apo kunati, apo është një akt i mirëfilltë terrorist, ky është momenti kur ministri teknik i qeverisë Dritan Demiraj, duhet të tregojë se lufton kundër krimit dhe zbardh të vërtetën në Shqipëri.

Ose arrestohet Edi Rama, ose arrestohet kunati i Lulzim Bashës, ose arrestohen terroristët e mundshëm, rrugë të katërt nuk ka./CityNews