E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Mitingu i PD-së/Flet e dëmtuara: Ju tregoj situatën në spital pas helmimit

28 Maj 2017, 09:27, Aktualitet CNA

Menjëherë pas ngjarjes së rëndë ku 50 qytetarë të pranishëm në mitingun e djeshëm të Partisë Drmokratike, midis tyre edhe kryetari i Partise Demokratike Lulzim Basha, janë paraqitur me shenja intoksimi në dyert e spitaleve, Opinion.al ka kontaktuar nëpërmjet gazetarit Ditan Laci me një nga personat e dëmtuar.

Ajo quhet Irena Progni dhe sikundër thotë për Opinion.al, ende edhe vete nuk e kupton se çfarë ka ndodhur. Ndërkohë që problemet me shëndetin i janë shfaqur shumë orë pas zhvillimit të mitingut hapës të Partisë Demokratike.

D.L: Irena, kur ju shfaqen problemet e para shendetesore?

I.Progni: Në fakt edhe tani nuk e kuptoj se çfare ka ndodhur. Gjendja ime shëndetësore nuk është e mirë. Shenjat e para u shfaqen aty rreth orës 12.00 të mbrëmjes. Kisha probleme me sytë dhe dhimbje koke nga pas. Kam marrë menjëherë bashkëshortin dhe kam shkuar në urgjencën e Spitalit të Tiranës. Kam pasur probleme me shikimin. Nuk i hapja dot sytë. Aty kam marrë mjekimin e parë, ndërkohë që mjekët më kanë pyetur nëse gjatë mitingut ka pasur mjete piroteknike.

D.L: Le të kthehemi te mitingu, ju thatë që nuk ndjetë gjë në ato momente. U hodhën mjete piroteknike gjatë zhvillimit të mitingut?

I.Progni: Jo në dijeninë time nuk ka pasur diçka të tillë. Ka pasur vetëm tullumbace dhe një dron që flutoronte mbi ne. Unë kam qenë pranë podiumit. Çdo gjë ka shkuar normalisht. Thashë, në shtëpi fillova të kem problemet e para, shplava sytë me ujë të ftohtë, por aty kuptova që kishte diçka që nuk shkonte me shëndetin tim. Sinqerisht ndihem si në një akt terrorist. Në momentin që keni shkuar për të marrë ndihmën e parë, kishte qytetarë të tjerë me të njëjtat simptoma që ju paraqisnit, që prisnin për të marrë ndihmën mjekësore? Unë e kisha të vështirë të shikoja. Im shoq po më thoshte që ishin diku të 15 persona në ato momente. Kishte edhe fëmijë dhe kjo ishte edhe më alarmante përsa i përket situatës. Si është gjendja juaj shëndetësore në këto momente? Sinqerisht më shumë se problemi shëndetësor ndihem e vrarë shpirtërisht. Thashë e ndjej veten pjesë të një akti terrorist, sikur të ketë ndodhur në Siri./Opinion.al