E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

PD me lista gjysmake/KQZ shtyn mbledhjen, rrezikon procesi zgjedhor

27 Maj 2017, 20:46, Aktualitet CNA

Komisioni Qendror i Zgjedhjeve ka anuluar mbledhjen e parashikuar pasditen e sotme, në orën 18:00, ku do të miratonte listat e kandidatëve për deputetë të Partisë Demokratike, të cilat u dorëzuan pas mesnatës së kaluar. Mbledhja mësohet se është shtyrë për ditën e nesërme në orën 12:00, për shkak se listat e dorëzuara nga Partia Demokratike nuk plotësonin kushtet e përcaktuara nga Kodi Zgjedhor, ndaj dhe nuk mund të miratoheshin nga KQZ. Mësohet se PD nuk kishte 140 kandidatë në listat e dorëzuara në KQZ, si dhe listat e depozituara nuk ishin të shoqëruara me CV përkatëse.

Opozita ka depozituar në KQZ vetëm 95 emra kandidatësh, të cilët nuk i ka shoqëruar me formular dekriminalizimi, si dhe nuk ka paraqitur jo vetëm kopjet e kartave të identitetit, por madje as ka plotësuar ditëlindjet e kandidatëve. Gjithashtu, burime i thanë CityNews se shumë kandidatë të dërguar në KQZ nga Lulzim Basha po dorëhiqen. CityNews raprotoi pak më parë për kandidatin e parë që refuzonte të regjistrohej. Bëhej fjalë për kandidatin e Elbasanit, Blendi Himci, i cili nuk ka pranuar regjistrimin në këtë garë, pasi e quan fyese listën e Lulzim Bashës

Një fakt të tillë e vërtetojnë edhe listat e PD-së për Qarqet Vlorë dhe Tiranë, ku siç mund të konstatohet nga fotot, respektivisht në Vlorë janë paraqitur vetëm 7 kandidatë nga 12 mandate që ka kjo zonë, dhe në Tiranë vetëm 18 nga 34 mandate që ka Qarku.

Referuar afateve të përcaktuara në Kodit Zgjedhor sot fleta e votimit duhej të ishte konfiguruar dhe të ishte derguar për të filluar shtypja e saj, por duket se parregullistë në listat e kandidatëve të PD janë bërë shkak që KQZ të shtyjë mbledhjen përtej afatit ligjor, duke vënë seriozisht në pikëpyetje ecurinë e procesit. Kujtojmë se dhe depozitimi në KQZ i listave të kandidatëve u bë sot në mëngjes nga PD-ja përtej afatit ligjor.

PARASHIKIMET E KODIT ZGJEDHOR
NENI 67
5. Emrat në listën e partisë paraqiten të renditura sipas rendit shifror, duke filluar nga numri një. Numri i kandidatëve në listën shumemërore të një partie të regjistruar si subjekt zgjedhor më vete apo numri i përgjithshëm i kandidatëve të një koalicioni nuk duhet të jetë më i vogël sesa numri i mandateve që do të zgjidhen në zonën zgjedhore përkatëse. Për një parti pjesëtare të koalicionit, numri i kandidatëve nuk mund të jetë më i vogël sesa gjysma e mandateve që zgjidhen në zonën zgjedhore përkatëse. Për listat shumemërore për këshillat e bashkisë zbatohet i njëjti rregull.
6. Për çdo zonë zgjedhore, të paktën tridhjetë për qind e listës shumemërore dhe një në tre emrat e parë të listës shumemërore duhet t?i përkasë secilës gjini. Subjekti paraqitës i listës deklaron vendet, sipas kuotës gjinore, me qëllim zbatimin e përjashtimit, sipas pikës 2 të nenit 164 të këtij Kodi.
NENI 72
DOKUMENTET E KANDIDIMIT
1. Dokumentet e kandidimit duhet të jenë në përputhje me kërkesat e këtij Kodi dhe sipas formës së përcaktuar në udhëzimet e KQZ-së.
2. Dokumentet e kandidimit duhet të përmbajnë këto të dhëna:
a) listën e plotë të kandidatëve me renditjen përkatëse, të nënshkruar nga kryetari i partisë, ose propozimin nga komiteti nismëtar i një grupi zgjedhësish;
b) emrin, atësinë, mbiemrin, datëlindjen, gjininë, adresën e kandidatit dhe një kopje të dokumentit të identifikimit;
c) deklarimin e kandidatit se gëzon të drejtën dhe vullnetin për të kandiduar, në të cilin përfshihet, sipas rastit, deklarimi i dorëheqjes nga funksionet e përcaktuara në nenin 63 të këtij Kodi, shoqëruar me kopjen e deklaratës së dorëheqjes, të depozituar pranë institucionit përkatës;
ç) deklarimin e kandidatit të propozuar nga një grup zgjedhësish se nuk do të mbështetet apo nuk do të mbështesë asnjë subjekt zgjedhor në zgjedhje;
d) një listë të nënshkruar nga zgjedhësit e zonës përkatëse, që mbështesin/CityNews