web counter
LEXO PA REKLAMA!

SHKARKO APP

App Store
Google Play

E fundit!

x

Mitingu i PD/QSUT: 76 njerëz kanë përfunduar në spital, me të njëjtat simptoma edhe Lulzim Basha

28 Maj 2017, 09:52, Aktualitet CNA

QSUT ka bërë evidentimin e personave që janë paraqitur mbrëmjen e djeshme në spital me simptomat e kruajtjs, djegies dhe skuqjes së syve dhe të lëkurës.

Sipas njoftimit për mediat , të gjithë pacientët kanë qenë të pranishëm në mitingun e Partisë Demokratike.

Në spital me të njëjtat simptoma ka shkuar në orët e para të mëngjesit dhe edhe kreu i Partisë Demokratike, Lulzim Basha.

”Në orët e para të mëngjesit të ditës së sotme (28 maj 2017) janë paraqitur në Qendrën Spitalore Universitare ?Nënë Tereza?, pacientë me shenja të helmimit (intoksikacion) si: skuqje të syve, djegie të syve, irritim të shprehur të lëkurës në zonat e ekspozuara të fytyrës dhe qafës, si dhe në raste të veçanta edhe vështirësi të lehtë në frymëmarrje.

Sipas referimeve të marra nga mjekët në shërbim, të gjithë këta pacientë kanë qënë pjesmarrës në aktivitetin e hapjes së fushatës elektorale të Partisë Demokratike, një natë më parë në Bulevardin ?Dëshmorët e Kombit?, në Tiranë.

Mes pacientëve, rreth orës 5:00 të mëngjesit është paraqitur edhe lideri i opozitës z.Lulzim Basha me simptoma të ngjashme.

Ministria e Shëndetësisë po punon për evidentimin e rasteve edhe në spitalet rajonale dhe qendrat shëndetësore në vend. Ndërkohë, në Qendrën Spitalore Universitare ?Nënë Tereza? janë pjesa më e madhe e rasteve. 76 pacientë nga të cilët 9 janë shtruar në shërbimin e okulistikës dhe janë nën vëzhgimin e specialistëve.

Ministria e Shëndetësisë në bashkëpunim me Ministrinë e Rendit dhe Drejtorinë e Policisë po punojnë për zbardhjen e plotë të ngjarjes.”/CityNews





Lajmet e fundit nga