web counter
LEXO PA REKLAMA!

SHKARKO APP

App Store
Google Play

E fundit!

x

Testi i thjeshtë që parashikon nëse do prekeni nga kanceri

29 Maj 2017, 06:22, Aktualitet CNA

Një test i zakonshëm gjaku ka rezultuar të jetë shumë më i saktë në parashikimin e kancerit se gjëndrat për kancerin e gjirit.

Shkencëtarët thonë se kjo është metoda më premtuese e zbulimit të sëmundjes në 30 vitet e fundit.

?Zbulimet tona për trombocitet tregojnë një lidhje të fortë me kancerin, veçanërisht tek burrat, shumë më e fortë se lidhja e gjëndrave me kancerin e gjirit tek gratë?, tha Willie Hamilton nga Universiteti i Exeterit në Britaninë e Madhe.

Ai tha se ky zbulim mund të shpëtojë qindra jetë njerëzish çdo vit.

Numri i lartë i trombociteve tek njerëzit (thrombocytosis) prek rreth 2 për qind të njerëzve mbi moshën 40-vjeçare dhe ka qenë i lidhur me kancerin edhe më parë. Ajo që zbulon ky studim i ri është se vendos një lidhje më të fortë mes numrit të lartë të trombociteve tek të gjitha moshat dhe të dyja gjinitë, me kancerin në të gjitha pjesët e trupit.

Ata zbuluan se 11.6 për qind e të gjithë burrave me thrombocytosis u diagnostikuan me kancer brenda një viti, krahasuar me 4.1 për qind të atyre që nuk kishin numër të lartë trombocitesh.

Ndërsa, 6. 2 për qind e grave me numër të lartë trombocitesh u diagnostikuan me kancer për gjatë vitit pasues, në krahasim me 2.2 të atyre që kishin nivel normal trombocitesh.

Nëse niveli i lartë i trombociteve regjistrohej për herë të dytë brenda gjashtë muajve, atëherë rreziku ishte edhe më i madh. 18.1 për qind e burrave dhe 10.1  për qind e grave u diagnostikuan më pas me kancer.

Ndërsa gjëndrat janë paralajmëruese të kancerit të gjirit për vetëm 8.5 për qind të rasteve.

Studimi është publikuar në ?The British Journal of Medical Practice?.





19:10 Aktualitet

Seksizmi në Serbi

Seksizmi është shndërruar në një problem të madh në shumë fu...

Lajmet e fundit nga