web counter
LEXO PA REKLAMA!

SHKARKO APP

App Store
Google Play

Samiti i “G-7” nis punimet nën masa të rrepta sigurie

26 Maj 2017, 11:39, Aktualitet CNA

Samiti i vendeve më të fuqishme  të botës, i njohur ndryshe si?G-7?, ka  nisur paraditen e sotme punimet në Taormina, në Siçili të Italisë, nën masa të rrepta sigurie. Sikurse shkruajnë mediat italiane dhe ato ndërkombëtare, Samiti i sivjetshëm pritet të jetë ndër më të vështirët për vetë situatën krizuale që zotëron botën, por edhe të nevojës për rikonfigurim të raporteve të superfuqive me vëndet e tjera.

Pjesëmarrës në të janë presidenti amerikan Donald Trump, kancelarja gjermane, Angela Merkel, presidenti i porsazgjedhur frances, Emmanuel Macron, kryeministrja britanike Teresa May, si dhe udhëheqësit e tjerë. Tema e diskutimit është Rusia dhe situata pas daljes së Britanisë së Madhe nga Brexit.

Jo jashtë vëmendjes do të jetë edhe lufta ndaj terrorizmit. Kryeministri i Italisë, Paolo Gentilioni e ka cilësuar samitin e G-7 si të vështirë për vetë natyrën e zhvillimeve të vrullshme botërore. Për herë të parë në këtë samit merr pjesë presidentët Donald Trump dhe ai i Francës, Emmanuel Macron. Gjithashtu për herë të parë edhe kryeministrja britanike do të marrë pjesë në këtë samit.

Në këtë tryezë do të jenë të pranishëm dhe Kryeministri i Kanadasë, Justin Trudeau, kryeministri i Japonisë, Shinzo Abe. ?G-7 i kërkojmë vendime e rezultate konkrete, të drejta. E dimë që nuk do të jetë një përballje e lehtë, por shpirti i Taorminës mund të ndihmojë për të marrë vendime në drejtimin e duhur?, tha kryeministri italian. Ndërsa çështjet ekonomike, ndikimet klimaterike, emigracioni do të jetë pjesë e paketës së diskutimeve./Citynews





Lajmet e fundit nga