web counter
LEXO PA REKLAMA!

SHKARKO APP

App Store
Google Play

E fundit!

x

Një ditë para Ramazanit/ Autoritetet prishin xhaminë e Zemunit

26 Maj 2017, 08:57, Aktualitet CNA

Ngjarja e rrallë ka ndodhur kur nga nisja e muajit të Ramazanit nuk kanë mbetur më shumë se njëzetë e katër orë. Sikurse kanë bërë të ditur burimet mediatike, përfaqësues komunal të Komunës së Zemunit, afër kryeqytetit të Sërbisë, Beograd, të përkrahur nga xhandarmëria, kanë rrënuar një xhami. Aksioni prishës ka ndodhur tri orë para mëngjesit të ditës së sotme.

Lajmin e raportuar fillimisht nga televizioni ?Al Jazeera? e ka konfirmuar, kryetari i Asamblesë së Përgjithshëm të Bashkësisë Islame të Sërbisë, Muhammad Jusufapahiq së bashku me faktin që banorët lokal kanë parë sesi qindra pjesëtarë të xhandarmërisë kishin bllokuar qytetarët për të patur qasje tek objekti në mënyrë që autoritetet ta kryenin rrënimin e xhamisë qetësisht.

Jusuf Spahiq ka thënë se zonat përreth xhamisë në Zemun ishin të rrethuara me dhjetë autobusë me forca policie, kurse, si kundërpërgjigje thirrjet e qytetarëve ishin: ?Edhe kur jemi djegur kemi qenë më të fortë?.

Prishja e xhamisë është motivuar me faktin se për ngritjen e saj nuk ka patur asnjë shkresë zyrtare, pra se ajo është nisur të ndërtohet pa leje, gjë që  është kundërshtuar nga shqiptarët, por edhe besimtarët që i përkasin komuniteteve të tjera të besimit Islam në Zemun. /Citynews





Lajmet e fundit nga