web counter
LEXO PA REKLAMA!

SHKARKO APP

App Store
Google Play

Zgjedhjet e 25 qershorit/Ja sa mandate ndajnë partitë në Kukës sipas votave në dy përballjet e fundit

26 Maj 2017, 07:56, Aktualitet CNA

CityNews po bën një projeksion të rezultatit të zgjedhjeve sipas pjesëmarrjes dhe shifrave zyrtare të vitit 2013. Këto janë të vetmet shifra me të cilat mund të përllogariten votat e çdo force politike, por në kushtet e reja të tërheqjes së partive të vogla aleatë majtas apo djathtas, sërish është më e lehtë për të dalë në një përfundim dhe për të bërë një projeksion të përafërt të rezultatit të zgjedhjeve.

Në zgjedhjet e vitit 2013 në qarkun e Kukësit kanë vituar 47.438 zgjedhës dhe rezultati ka qenë 3 mandate për PD dhe aleatët e saj  dhe një mandat për socialistët, por në zgjedhjet e vitit 2017 ka një ndryshim sepse në Kukës do të ketë një mandat më pak deputeti.

Me numrin e ri të përfaqësimit, një mandat në qarkun e Kukësit shkon rreth 15.800 vota dhe me votat e vitit 2013 koalicioni i socialistëve ka rreth 13 mijë vota afërsisht një mandat të sigurt.

Koalicioni i PD ka 27.700 vota, pra dy mandate të sigurta.

LSI në qarkun e Kukësit në zgjedhjet e vitit 2013, ka marrë 5.650 vota.

Të njëjtat numra votash kanë regjistruar këto subjekte politike edhe në vitin 2009, por në atë kohë LSI merrte vetëm 1.200 vota, pra Kukësi është një nga qarqet me projeksionin më të qartë, ku dy mandate i shkojnë PD dhe një mandat socialistëve./CityNews





Lajmet e fundit nga