web counter
LEXO PA REKLAMA!

SHKARKO APP

Rrjedhja e informacionit/ Kryeministrja britanike i ankohet presidentit Trump

25 Maj 2017, 21:20, Aktualitet CNA

Në takimin e sotëm në Bruksel të NATO-s, presidenti amerikan Donald Trump, krahas të tjerave u tha udhëheqësve të Atlantikut Verior se Shtetet e Bashkuara nuk do të ndalin kurrë luftën kundër terrorizmit, duke e quajtur sulmin terrorist në Mançester Arena të rëndë dhe barbar.

?Sulmi i fundit në Mançester në Britani demonstron thellësinë e së keqes me të cilën përballemi nga terrorizmi. Vajza të vogla të pafajshme dhe shumë të tjerë u vranë në mënyrë të tmerrshme dhe u plagosën rëndë ndërsa po ndiqnin një koncert. Jetë të mrekullueshme me potencial të madh, u ndanë nga familjet e tyre përgjithmonë. Ishte një sulm barbarë dhe i rëndë mbi civilizimin tonë?, tha Presidenti Trump.

Më pas, gjatë daljes në një fotografi me drejtuesit e NATO-s, kryeministrja e Britanisë, Theresa May, diskutoi me presidentin Trump shqetësimet e saj lidhur me daljen e informacioneve të hetimeve në median amerikane rreth shpërthimit me bombë në Mançester, tha një zëdhënës i zonjës May, raporton VOA.

Zonja May u tha gazetarëve më herët se partneriteti i fortë i sigurisë dhe mbrojtjes mes Shteteve të Bashkuara dhe Britanisë është ndërtuar mbi besimin dhe pjesë e këtij besimi është edhe ndarja e informacioneve në mënyrë konfidenciale?”. /Citynews





Lajmet e fundit nga