web counter
LEXO PA REKLAMA!

SHKARKO APP

App Store
Google Play

E fundit!

x

Rama takon Donald Trump në Bruksel/Kongresmeni amerikan zbardh bisedën

25 Maj 2017, 19:19, Aktualitet CNA

Kryeministri Edi Rama ndodhet në Bruksel, ku po merr pjesë në Samitin e NATO-s. I pranishëm në Samit ka qenë dhe Presidenti i SHBA, Donald Trump. Kryeministri Rama ka zhvilluar një takim me Presidentin Trump gjatë Samitit në Bruksel dhe këtë e dëshmon Kongresmeni amerikan, Matt Gaetz.

Në një letër, që mban datën e sotme, kongresmeni Gaetz shpreh kënaqësinë për takimin mes Trump dhe Ramës, duke e vlerësuar kryeministrin shqiptar si një lidership të madh që po e afron vendin drejt BE-së.

?Jam i lumtur për takimin mes Presidentit Trump dhe Kryeministrit të Shqipërisë Edi Rama. SHBA-të kanë gjetur një aleat të fortë tek Shqipëria në luftën kundër ISIS. Pas vizitës në Shqipëri muajin e kaluar, dua të përgëzoj kryeministrin Rama për reformat që qeveria e tij ka ndërmarrë. Reforma në drejtësi, mbetet një nga arritjet kyçe të qeverisë Rama, sepse ndihmon popullin shqiptar dhe të gjithë rajonin. Kryeministri Rama ka treguar një lidership të madh në zgjidhjen e krizës politike në Shqipëri dhe drejtimin e vendit më afër Bashkimit Europian?, shkruhet në letrën e kongresmenit amerikan.

Mësohet se Rama dhe Trump kanë zhvilluar një bisedë të shkurtër, e cila është përqendruar në aleancën strategjike mes Shqipërisë dhe Shteteve të Bashkuara, Reformës në Drejtësi dhe luftës së përbashkët kundër ekstremizmit të dhunshëm./CityNews





Lajmet e fundit nga