web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 qershorit/Ja sa mandate ndajnë partitë në Berat sipas votave në dy përballjet e fundit

25 Maj 2017, 17:41, Aktualitet CNA

CityNews po bën një projeksion të rezultatit të zgjedhjeve sipas pjesëmarrjes dhe shifrave zyrtare të vitit 2013. Këto janë të vetmet shifra me të cilat mund të përllogariten votat e çdo force politike, por në kushtet e reja të tërheqjes së partive të vogla aleatë majtas apo djathtas, sërish është më e lehtë për të dalë në një përfundim dhe për të bërë një projeksion të përafërt të rezultatit të zgjedhjeve.

Në qarkun e Beratit në 2013 kanë votuar 92.822 zgjedhës. Kjo e pjesëtuar me numrin e mandateve në këtë qark na jep përfundimin se 1 mandat deputeti në Berat, Kuçovë, Skrapar dhe Urë Vajgurore vlen 13.260 vota.

Në zgjedhjet e 2013 PS dhe aleatët e saj pa LSI ka marrë 45.892 vota, e cila përkthehet në 3-4 mandate për socialistët. LSI ka në ?hambarin e saj? 21.549 vota dhe për të siguruar mandatin e dytë i duhet një rritje me 20%.

Në 2009 koalicioni i PS ka pasur rreth 2000 vota më shumë pa LSI, ndërkohë demokratët kanë qenë në rreth 27.000 vota. Duke qenë një moment i mirë për PD me sistemin dhe formulën e sotme zgjedhore, PD ka në tavolinë dy mandate, PS dhe LSI luftojnë për një mandat.

PD dhe aleatët e saj kanë në qarkun e Beratit 23.019 vota në 2013. Pra dhe demokratëve iu duhet një rritje me 20% për të pasur të sigurt mandatitn e dytë. Berati është qarku ku tre forcat kryesore kanë një mandat me pikëpyetje. Socialistët janë më afër mandatit të katërt. PD mandatit më afër mandatit të dytë. LSI e kërkon me çdo kusht. Por Berati ka vetëm 7 mandate.

Pra ekuacioni është i vështirë në Berat. Në rast se do pranojmë një tkurrje të LSI por edhe të socialistëve, në rast se PD ka një rritje, ajo siguron mandatin e dytë dhe rezultati final në Berat shkon në favor të socialistëve të cilët sigurojnë 4 mandate, PD 2 mandate dhe LSI 1 mandat./CityNews





Lajmet e fundit nga