web counter
LEXO PA REKLAMA!

SHKARKO APP

Meta shpall përballjen e parë ndaj Ramës/Regjistrohet në zgjedhjet e Kavajës

25 Maj 2017, 18:31, Aktualitet CNA

Lëvizja Socialiste për Integrim është regjistruar në zgjedhjet për kryebashkiakun e ri të Kavajës. LSI do të përfaqësohet në këtë garë nga Maksim Kona, i cili do të kandidojë për kryebashkiak përballë kandidatit të PS, Klodian Shehi.

Ndërsa, Partia Demokratike pritet të zyrtarizojë emrin e kandidatit të saj, deri më 26 maj. Kavaja do të zgjedhë kryebashkiakun e ri më 25 qershor, në të njëjtën ditë kur do mbahen dhe zgjedhjet parlamentare.

Zgjedhjet në Kavajë ishin planifikuar të mbaheshin më 7 maj, por u shtyn, pasi kryeministri Rama tërhoqi kandidatin në momentet e fundit, pasi opozita, e cila ndodhej në çadrën e protestës prej muajsh, kishte nisur përgatitjet për një protestë masive në Kavajë. Opozita kishte deklaruar mospjesëmarrjen në zgjedhje, dhe nga ana e saj, edhe LSI tha se nuk do të merrte pjesë në zgjedhje pa opozitën./CityNews





Lajmet e fundit nga