web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 qershorit/Ja sa mandate ndajnë partitë në Lezhë sipas votave në dy përballjet e fundit

26 Maj 2017, 11:11, Aktualitet CNA

CityNews po bën një projeksion të rezultatit të zgjedhjeve sipas pjesëmarrjes dhe shifrave zyrtare të vitit 2013. Këto janë të vetmet shifra me të cilat mund të përllogariten votat e çdo force politike, por në kushtet e reja të tërheqjes së partive të vogla aleatë majtas apo djathtas, sërish është më e lehtë për të dalë në një përfundim dhe për të bërë një projeksion të përafërt të rezultatit të zgjedhjeve.

Në qarkun e Lezhës në vitin 2013 kanë votuar 81.769 votues dhe me sistemin e formulën aktuale një mandat deputeti shkon 11.681 vota.

Koalicioni i PS dhe aleatëve të saj në vitin 2013 ka 30.800 vota, këtu nuk përfshihen 8.721 votat e LSI.

Sipas një përllogaritje të thjeshtë PS ka të sigurt 2 mandate dhe është shumë afër mandatit të tretë.

LSI nga ana e saj për të siguruar një mandat në qarkun e Lezhës duhet të rritet me të paktën 30%, me rreth 3 mijë vota.

PD dhe aleatët e saj në 2013, në qarkun e Lezhës kanë 39.564 vota, të cilat përkthehen në më shumë se 3 mandate. Pra PD lufton në Lezhë për mandatin e 4 dhe për këtë i duhet të rritet me të paktën 7 mijë vota.

Beteja në qarkun e Lezhës duket se ka një mandat në pikëpyetje. Do të jetë mandati i 4 për PD, një mandat i 3i sigurt për PS, apo LSI do të sigurojë 1 mandat përfaqësimi në qarkun e Lezhës.

Duke lexuar rezultatin e vitit 2009, PD dhe aleatët e saj kanë të njejtat vota, edhe  socialistët janë në të njëjtat kuota. Ndërsa LSI në vitin 2009 ka vetëm 2.566 vota.

Duke parë këtë projeksion në dy zgjedhjet e fundit, rezultati shkon drejt asaj që kemi theksuar më sipër./CityNews





Lajmet e fundit nga