E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ministria e Jashtëme/ Notë proteste për përfshirjen e agjentit sërb në trazira

26 Maj 2017, 09:17, Aktualitet CNA

Pasi më pare u vërtetua me fakte e prova të pakundërshtueshme pjesëmarrja aktive e diplomat-agjentit serb në trazirat e Kuvendit të Maqedonisë, sot Ministria e Jashtme e Maqedonisë ka thirrur ambasadoren serbe në Shkup, të cilës i ka dorëzuar një notë proteste për përfshirjen e Goran Zhivaljeviç, këshilltar në ambasadën serbe në Beograd, në incLajmin e ka konfirmuar agjencia shtetërore e lajmeve ruse ?Sputnik?.

?Ministria e Punëve të Jashtme e Maqedonisë thirri ambasadoren e Serbisë, Dushanka Divjak Tomiç për të shpjeguar praninë e këshilltarit të ambasadës dhe agjentit të BIA-s Goran Zivaljeviç në parlament, kur ka pasur një ndërhyrje e dhunshme ndaj deputetëve, pikërisht pas zgjedhjes së Talat Xhaferit si kryetar parlamenti.Takimi me Tomiç është kryer duke zbatuar Konventën e Vjenës?, bëri të ditur ministria e Jashtme e Maqedonisë.

Goran Zhivaljeviç, oficer i BIA-s dhe këshilltar në ambasadën e Serbisë në Shkup, është parë në Kuvend më 27 prill, pikërisht kur ka shpërthyer dhuna makabre. I prononcuar rreth faktit, Zhivaljeviç ka konfirmuar se në atë mbrëmje ishte në Kuvend, sipas postit zyrtar, dhe se detyra e tij ishte për të monitoruar nëse incidenti të përfshirë pjesëtarë të pakicës serbe.

?Sputnik?, që citon televizionin maqedonas ?TV Telma? thekson se Zhivaljeviç është fotografuar në sallën e parlamentit së bashku me deputetët e VRMO-DPMNE-së, ish-kryeministrin Nikolla Gruevski, si dhe demonstrues të ndryshëm. Pikërisht në lidhje me praninë e Zhivaljeviç në dhunën e 27 prillit kanë diskutuar mbrëmë në Bruksel kryeministri i mandatuar, Zoran Zaev dhe kryeministri serb, Aleksandër Vuçic.Agjenti serb është fotografuar duke hyrë në parlament së bashku me protestuesit, ku më pas iu drejtuan në sallën plenare. Zhivaljeviç është ?figurë e njohur? e spiunazhit serb në disa ngjarje në vende të tjera në rajon. Kjo është hera e dytë zyrtarisht kur implikohet shërbimi serb kundër një shteti tjetër. Hera e parë ishte në Mal të Zi kur u tentua të vritej kryeministri Milo Gjukanoviç. Të dyja këto akte janë pikasur nga një shërbim shumë i rëndësishëm perëndimor, siç është ai i Gjermanisë. Dyshohet se regjia e këtyre lojrave bëhet në të ashtuquajturën Qendër Humanitare ruso-serbe që ndodhet në Nish, fare pranë Kosovës, analizojnë mediat në gjuhën shqipe. / Citynews