E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Xhovani SHYTI/ Koalicioni PS-PD, i duhuri për fatin europian të Shqipërisë

26 Maj 2017, 10:10, Aktualitet CNA

Një marrëveshje, midis dy partive kryesore, historikisht opozitare me njera tjetrën, PD-PS, militantët e djathtë e nëmin po aq sa edhe homologët e tyre të majtë, që fatin e përqindjes së fitores maxhorative të zgjedhjeve të pritëshme të 25 qershorit e konvertojnë në vënde pune, kur në fakt kjo nuk është mënyra e duhur që përcakton fatin europian të Shqipërisë.

?Kam që nga viti 2013 që jam i papunë dhe do të ishte fatale për mua dhe familjen time të vazhdoj të jemi në vështirësi financiare edhe për katër vite të tjera, nëse zgjedhjet i fiton PS. Unë jam i djathtë, anëtar i PD-së, militant, siç ju të medias na quani. Në kohët kur ka qeverisur Berisha kam qenë i punësuar, madje dhe në post drejtues. Që nga fundi i vitit 2013 kur qeverisjen e morri koalicioni i Ilir Metës me Edi Ramën jam i papunë, së bashku me gruan dhe djalin që ma hoqën prej pune si demokrat?.

Personi që pranoi të citohej, me identitet të përgjysmuar Krenar L., është një militant i PD-së, ndërkohë që i njësojtë me të tijën është edhe prononcimi i homologut të vet të majtë Ermalit, 47 vjeçar, që, pasi në tetë vitet e qeverisjes së vendit nga PD ka qenë i papunë, prej vitit 2013 e në vijimësi i gëzohet një posti zyrtar të lakmueshëm. Sikurse ai deklaron, nga një familje të papunësh para vitit 2013, pas marrjes të të drejtës së qeverisjes nga koalicioni i majtë fati i familjes së tij ndryshoi tërësisht. Në pesë pjesëtarë, katër prej tyre janë të punësuar.

Mirëpo a janë dëshirat e Krenarit dhe Ermalit të lidhur me fatin e të ardhmes europiane të Shqipërisë? Sigurisht që jo, por nuk mund të mohohet se lakmitë dhe interesat e tyre politike janë të lidhura thjesht e vetëm me një punë për vete dhe familjarët e tyre.

Mirëqënia individuale është sekreti i militantizmit të pjesës dërmuese të militantëve të këtij lloji dhe këtu nuk ka asgjë të keqe. Mbrapështia nis kur i njejti mentalitet sundon edhe në pjesën politike të qeverisjes, ku fati europian i të ardhmes së vendit qëndron në të njejtin nivel përfitimi

?Shqipëria, lopë për tu mjelë!-Shqipëria Europiane!? Me të dyja këto slogane kanë qenë në sinkron përfitimi të gjithë hipës e zbritësit nga froni qeverisës i vendit, i viteve të shkuara, që europianizimin e Shqipërisë e kanë përdorur si fishekzjarre elektorale, nisur më së shumti, nga fakti për të fituar garën e marrjes së pushtetit.

Një trend ky që, pas marrëveshjes së mëngjesit të 18 majit, të arritur midis PS dhe PD, të nënshkruar nga Edi Rama dhe Lulzim Basha, shpresohet që, pas votimeve të 25 qershorit, të ndryshohet me sloganin e vetëm:?Shqipëria në Europë?.

Çka nuk presupozon më fitimin e pushtetit për të patur sa më shumë përfitime dhe për tu siguruar sa më shumë vënde pune militantëve, të afërmve, miqve, shokëve e parallinjve blerës të tyre, por ndërmarrjen e reformave themelore, që do ti siguronin vendit ngritjen në nivelin e standarteve të vëndeve të integruara në BE.

Një objektiv ky që vështirë se mund të realizohet pa siguruar një qeverisje të qëndrueshme, larg partiçkave që si hijena politike punëprishëse, prej dekadash, vërtiten midis këmbëve të dy partive të mëdha, PS-PD, duke zhvatur thela të pameritueshme. Një objektiv që, po ashtu, mund të bëhet realitet i prekshëm vetëm nëse PD dhe PS bien dakort ta zgjasin marrëveshjen e mëngjesit të 18 majit për bashkëqeverisje të vërtetë, pa lojra të fshehta standartprishëse e duke mbajtur përgjegjësi ligjore, edhe pas 25 qershorit. Sigurisht duke respektuar përqindjet e rezultateve që do të dalin prej tyre, por duke lenë në prapalistë partitë shushunja që përveç ?thithjes së gjakut? nuk ja garantojnë Shqipërisë e shqiptarëve europianizimin./Citynews