E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gjosha: Kurse profesionale për gratë që do të njihen nga bizneset

26 Maj 2017, 12:08, Aktualitet CNA

Kryetarja e Lëvizjes së Gruas për Integrim, Klajda Gjosha, njëkohësisht kryesuesja e listës së kandidatëve për deputetë të LSI-së për Tiranën, zhvilloi një takim me gra dhe vajza të punësuara në biznesin fason në Njësinë administrative nr. 1 në Tiranë.

Gjosha theksoi gjatë takimit se mbështetja për gratë dhe vajzat mbetet prioritet për LSI-në. ?Biznesi fason për LSI-në ka qenë gjithmonë një prioritet. Kemi qenë gjithmonë në mbështetje të biznesit fason, e para sepse punësohen shumë gra, e dyta sepse kur punëson një grua ti normalisht i ke dhënë shans të gjithë familjes?, – tha Gjosha.

Gjithashtu, Gjosha u shpreh se LSI ka insistuar që të paktën këtyre bizneseve të mos i vihej taksa progresive e cila do t?i dëmtonte ato. ?Këtë kemi bërë dhe vazhdojmë ta kemi sërish në programin tonë për t?i dhënë një mbështetje biznesit fason?,tha Gjosha.

Kandidatja për deputet e LSI-së në qarkun e Tiranës, Gjosha bëri me dije edhe një pikë tjetër të programit të LSI,që lidhet me promovimin e produkteve ?Made in Albania?.

?Besoj që edhe kompania juaj, ky biznes e promovon këtë, duket te puna juaj te cilësia. Gjithçka është një promovim i jashtëzakonshëm që bëhet në vendet e tjera dhe sidomos me Italinë që është vendi fqinj, ku nga këto produkte kaq cilësore të prodhuara nga duart tuaja sa vjen dhe vazhdon dhe shtohet puna, dhe shtohet kërkesa e palës italiane po pse jo dhe e bizneseve të tjera në vendet e tjera për të ardhur dhe për të hapur bizneset e tyre këtu në Shqipëri?, – tha Gjosha.

Kryesuesja e listës për Tiranën, theksoi gjithashtu se arsimit profesional do t?i jepet prioritet në mënyrë që gratë dhe vajzat që punësohen të mos kenë periudhën e provës që është kosto për biznesin,por të certifikohen më parë me kurse profesionale.

?Biznesi këtë e ka një problem të madh sepse i duhet shumë kohë që ti marrë ti trajnojë vajzat dhe gratë një herë dhe më pas të bëjnë dhe periudhën e provës dhe të punësohen ato që realisht kanë bërë një punë të mirë apo që dinë ta bëjnë këtë punë sa më mirë sepse produktet duhen të jenë sa më cilësore?, – tha Gjosha

Gjithashtu, Gjosha nënvizoi se pjesa e arsimimit profesional do të jetë parësore për t?i dhënë mundësi të gjithë atyre grave dhe vajzave që duan të bëhen pjesë e biznesit fason dhe sidomos të rrobaqepësisë për të kryer këtë arsimim profesional dhe të pajisen me certifikata që të njihen./CityNews