web counter
LEXO PA REKLAMA!

SHKARKO APP

App Store
Google Play

E fundit!

x

Princi Leka II ftohet në kremtimin e 80 vjetorit të Mbretit Simeon të Bullgarisë

23 Maj 2017, 18:21, Aktualitet CNA

Mbreti Simeon II i Bullgarisë i biri i Car Borisit të Bullgarisë më 16 korrik 2017 do të festojë përvjetorin e 80-të të ditëlindjes. Në këtë ceremoni , që do të mbahet në Sofje, është ftuar të marrë pjesë ajka e aristokracisë europiane. Të ftuarit janë nga familjet mbretërore e më aristokratike të Europës, përkatësisht nga Don Huan Karlos dhe Dona Sofia (Mbreti e Mbretëresha e Spanjës)te  i biri i Mbretit Simeon, Kostandini trashëgimtari i Fronit të Bullgarisë me bashkëshorten Maria Garcia de la Rasilla (Kalina) apo edhe përfaqësues të tjerë të Shtëpisë Mbretërore të Saks Koburgëve të Gotas si  Carlo Roja de Villanova, apo edhe monarkë e trashëgimtarë fronesh mbretërore si Margarita e bija e Mbretit Mikael I të Rumanisë, i cili nuk do marrë pjesë në këtë kremtim ditëlindje për shkak të moshës së shtyrë (96 vjec). Princesha Margarita do të shoqërohet nga bashkëshorti i saj Radu. Ndër pjesëmarrsit e tjerë në këtë ceremoni do të jetë edhe trashëgimtari i Fronit të Serbisë Aleksandri me bashkëshorten Katerinën, apo trashëgimtarë të Kurorës së Romanovëve të Rusisë.

Një i ftuar special në këtë ceremoni përvjetori ditëlindje është edhe Leka II Princi trashëgimtar i Fronit të Shqipërisë së bashku me bashkëshorten e vet bukuroshe Princeshën Ela Zaharia Zogu. Një ftesë e tillë është tregues për respektin dhe emrin e mirë, që gëzon Princi Leka II në rradhët e aristokracisë, princërve dhe mbretërve apo trashëgimtarëve të froneve mbretërore të mjaft vendeve europiane./GJERGJ THANASI





Lajmet e fundit nga