E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Skandali/Drejtoresha e Ramës tendera me 100% të vlerës

23 Maj 2017, 17:54, Aktualitet CNA

Skandalet me tenderat duket se s?kanë të sosur në vendin tonë. E përfshirë në këtë skandal rezulton të jetë edhe shoqëria aksionere Albcontrol, me kapital 100% shtetëror, pronë e Ministrisë së Zhvillimit Ekonomik, Turizmit, Tregëtisë dhe Sipërmarrjes.

Drejtore e Institucionit është Belinda Balluku, e cila e mban këtë detyrë prej gati katër vitesh dhe mesa duket edhe Albcontrol rilindi me vajtjen e drejtoreshës së re, një nga ish-bashkëpunëtoret e ngushta të Edi Ramës, kur ai drejtonte Bashkinë e kryeqytetit.

Për të kuptuar skandalin e kësaj shoqërie aksionere, që kontrollon fluturimet në vend, CityNews iu sjell më poshtë disa fakte.

Në faqen zyrtare të Agjencisë së Prokurorimit Publik janë disa tendera, që janë fituar me vlera maksimale. Në fakt, do të ishin të pakta fjalët për të komentuar këto tendera, pasi duke parë dokumentet e publikuara, që CityNews i sjell më poshtë, duket se ato janë të fituara me 99 ose 100% të vlerës. Por nuk mjafton vetëm kaq, pasi përveçse tenderat janë fituar me vlerën e plotë, ata rezultojnë të jenë me një ofertues të vetëm, çka hedh dyshime të forta se tenderat mund të jenë të paravendosur.

Koncepti ?tender? ka në thelb garën, pra zhvillimin e një ?beteje?, e cila duhet me patjetër të ketë të paktën dy ose më shumë ofertues. Në rastin e Albcontrol duket se gara nuk ekziston pasi është fshirë nga realiteti. Faktet flasin vetë dhe të gjithë mund të shohin mes rreshtave të mëposhtëm se në rastin e Albcontrol kemi vetëm një ofertues, që fiton me 100% të vlerës tenderin.

1- Në buletinin nr. 20 të datës 22 maj 2017, faqe 123, kemi procedurën e objektit: Nr. 691 me objekt ?Shpenzime flight check?, me vlerë limit 10 461 111 lekë pa tvsh. Ndërsa, kemi vetëm një ofertues dhe çmimi i ofertës është 10 461 105 lekë pa tvsh. Këtu janë kursyer vetëm 6 lekë, të cilat nuk mjaftojnë as për t?u peshuar.

2- Në buletinin e datës 8 maj 2017, në faqen 243, është procedimi i prokurimit: Nr. 726 me objekt ?Ribërja e infrastrukturës mekanike dhe elektrike në malin e Krujës?, me vlerë limit 30 000 000 lekë pa tvsh. Ndërsa, çmimi i ofertës, me një ofertues të vetëm, është 29 857 772 pa tvsh. Një tjetër tender i fituar me ofertues të vetëm dhe 99% të vlerës.

3- Në buletinin Nr. 17 datë 2 maj 2017 kemi kontratën me vlerë përfundimtare 6 562 812 lekë me tvsh, ndërsa fondi limit është 5 469 010 lekë pa tvsh. Kemi një garues dhe me një llogari të thjeshtë rezulton se tenderi është fituar me 100% të vlerës.

4- Në buletinin Nr 17, faqe 507, kemi objektin e prokurimit me vlerë limit 25 000 000 lekë pa tvsh dhe është fituar me vlerën totale 24 994 500 lekë pa tvsh. Pra, duke bërë diferencën rezulton se tenderi është fituar me rreth 100% të vlerës, duke ulur vetëm 500 lekë, në një shumë qindra milionë lekë falen disa pllaka bukë.

5- Një tjetër tender, në faqen 592, është me vlerë limit të 74 800 000 pa tvsh dhe vlerë totale të kontratës 74 750 000 pa tvsh. Tenderi është fituar me rreth 100% të vlerës, duke ulur vetëm 50 mijë lekë./CityNews