web counter
LEXO PA REKLAMA!

SHKARKO APP

App Store
Google Play

E fundit!

x

Dhunuesit e Kuvendit të Maqedonisë dënim me kusht

23 Maj 2017, 17:25, Aktualitet CNA

Nëntë personat e akuzuar për ushtrimin e dhunës në Kuvendin e Maqedonisë të enjten e përgjakshme të datës 27 prill kanë marë dënime me kusht. Seanca për gjykimin e tyre është kryer paraditen e sotme, transmeton ?Alsat M?.

I akuzuari i parë, Dimçe Hristovski Zhabata u dënua me një vit e gjysmë burg, me kusht, nëse në pesë vitet e ardhshme nuk e përsërit veprën. Për tetë personat e tjerë Gjykata mori aktvendime për dënimet me kusht prej gjashtë muaj burg nëse gjatë shtatëmbëdhjetë muajve të ardhshëm nuk kryejnë ndonjë vepër penale.

Para gjykatëses Millka Angellevska Vasilevska, gjithë të akuzuarit kanë pranuar se janë fajtorë për konsumimin e veprës penale ?Pjesëmarrje në turmë që do të pengojë personin zyrtar në kryerjen e detyrës zyrtare?. Vetëm Angelle Zafirovski – Bate Gele, i veshur me pallto me figurën e Sasho Mijalkovit, në dëshminë fillestare tha se nuk ndjehej fajtor, por pasi të tjerët e pranuan veprën penale, edhe ai ndërroi mendje. Më tej tha se asnjëherë nuk do të bëjë diçka të tillë dhe se jeton për Maqedoninë. Të akuzuarit gjithashtu thanë se pendohen për veprën e bërë. Disa prej tyre pohuan se po ta dinin se situata do të përshkallëzohej, nuk do të ishin atje. Ndërsa dolën jashtë gjykatës të dënuarit i pritën me duartrokitje përshëndetëse nga mbështetësit e tyre, të cilët për tre orë pritnin fundin e gjykimit.





Lajmet e fundit nga