web counter
LEXO PA REKLAMA!

SHKARKO APP

E fundit!

x

Foto-Skandali/Drejtoresha e LSI fushatë nga zyra e shtetit me uniformë

23 Maj 2017, 18:08, Aktualitet CNA

Edhe kjo fushatë elektorale nuk do shpëtojë pa skandalet e kandidatëve për deputetë, megjithëse shqiptarët shpresojnë shumë, që këtë herë të kemi zgjedhje të qeta dhe pa kontestime.

LSI nuk duket se mendon kështu. Kandidatja e Ilir Metës dhe Petrit Vasilit në Gjirokastër, Entela Ibrahimi, duke sfiduar hapur ligjin, ka publikuar posterin e fushatës me veshjen e mjekut në zyrën ku ajo është drejtoreshë, në spitalin e Këlcyrës.

Kandidatja Ibrahimi, në publikimin e posterit të saj ka shkelur hapur ligjin duke shfrytëzuar zyrat, që sigurohen nga taksat e të gjithë shqiptarëve për të bërë propagandë për LSI.

Fushatë duke shfrytëzuar bluzën e bardhë në postera politike, vetëm kandidatët e LSI mund të bëjnë.

Profesioni human i mjekut dhe uniforma e tij e shenjtë, nuk mund të përdhosen, nga logo partish për fushata politike, kështu thjesht dhe vetëm dëmtojnë imazhin dhe shkelin ligjin.

Një mjek i mirë dhe me reputacion nuk ka nevojë tju kujtojë njerëzve profesionin e tij për disa vota më shumë. Pa diskutuar më tej kur atë bluzë të bardhë e ndot me një parti që është quajtur kanceri i sistemit politik shqiptar./Citynews





Lajmet e fundit nga