web counter
LEXO PA REKLAMA!

SHKARKO APP

App Store
Google Play

E fundit!

x

Partitë komentojnë dënimin me kusht të dhunuesve të Kuvendit të Maqedonisë

23 Maj 2017, 19:10, Aktualitet CNA

Pas dhënies së dënimit me kusht, ndaj nëntë të akuzuarve për ushtrim dhune në Kuvendin e Maqedonisë, partia LSDM e kryesuar nga kandidati për kryeministër, Zoran Zaev, e ka cilësuar të turpshëm vendimin. Sipas kësaj partie gjykata mori aktvendim në favor të krimit ndaj atyre që ishin në vendet e tyre të punës.

 ?Sinqerisht shpresoj që askush që ka marrë pjesë në këtë aktvendim të porositur nuk do ta përjetojë atë që përjetuan deputetët e LSDM-së dhe shumica parlamentare, të sulmohen në vendet e tyre të punës, të sulmohen nga një turmë. Këto aktvendime të miratuara për krim janë  turp dhe ndoshta kjo është një nga ditët më të zeza në historinë e gjyqësorit të Maqedonisë?, tha Petre Shilegov, deputet i LSDM.

Ndërkohë partia shemër e saj VMRO-DPMNE, e kryesuar nga kryeministri ende në detyrë Nikolla Gruevski ka reaguar duke thënë se presin aktvendime të duhura edhe për personat të cilët ishin përgjegjës për dhunën politike dhe shkeljen e Kushtetutës.

 Sulmi ndaj Kuvendit ndodhi prej brënda me shkelje të të paktën 3 neneve të Kushtetutës, më së paku të 27 neneve të Rregullores për punën e Kuvendit. Çdo gjë që ndodhi pastaj është pasojë e këtij tentimi për grusht shtet nga ana e koalicionit të Tiranës me në krye LSDM- u përgjigj Dragan Danev nga VMRO-DPMNE, raporton Alsat M.





Lajmet e fundit nga