web counter
LEXO PA REKLAMA!

SHKARKO APP

App Store
Google Play

Opozita kosovare/ Kundër "Demarkacionit" dhe Asociacionit edhe pas zgjedhjeve

14 Maj 2017, 13:00, Aktualitet CNA

Tri partitë opozitare, ndonëse besojnë se pas zgjedhjeve do të jenë në mazhorancë, e kundërshtojnë ndryshimin e qëndrimit të tyre për Demarkacionin dhe Asociacionin, njofton “Zeri.info”, që vijon: Marrëveshja e  Kufirit me Malin e Zi dhe krijimi i Asociacionit të Komunave me Shumicë Serbe janë dy çështje për të cilat partitë opozitare janë deklaruar se do të mbajnë qëndrim të njëjtë edhe pas zgjedhjeve.

Aleanca për Ardhmërinë e Kosovës (AAK) pret vendim nga Gjykata Kushtetuese për Asociacionin, kurse për Demarkacionin sheh një version të ri që do të përgatitet, ndërsa lëvizja ?Vetëvendosje? e ka të qartë se Asociacioni është antikushtetues, kurse për Demarkacionin ngjashëm si AAK-ja deklarojnë se kjo çështje mund të dalë në rishqyrtim në legjislaturën e re, por pasi të jetë ndryshuar. Edhe ?Nisma për Kosovën?, partia tjetër që në opozitë kundërshtoi po ashtu Demarkacionin dhe Asociacionin, e quan të panevojshme të ndërrojë qëndrim pavarësisht faktit se pretendojnë të jenë në mazhorancë pas zgjedhjeve, sërish humbja e hektarëve tokë do të jetë e papranueshme për këtë parti.  Zafir Berisha nga ?Nisma për Kosovën? ka thënë se edhe pas zgjedhjeve do ta kenë qëndrimin e njëjtë për këto dy çështje.

?Fal këtij qëndrimi ne kemi shpëtuar 8300 hektarë që të mos i jepen Malit të Zi dhe kemi shpëtuar që të mos instalohet ?Republika Srpska? brenda shtetit të Kosovës?, ka thënë Berisha. Sipas tij, nuk ka asnjë mundësi që ta ndryshojë ?Nisma? qëndrimin e  saj. Përkundrazi, Berisha thotë se do të jenë mazhorancë dhe jo opozitë dhe këtë qëndrim ai e quan të palëkundur për ruajtjen e sovranitetit të vendit./CityNews





Lajmet e fundit nga