web counter
LEXO PA REKLAMA!

SHKARKO APP

App Store
Google Play

E fundit!

x

PDK në ofensivë për të mos lejuar deputetët të votojnë rrëzimin e qeverisë Mustafa

9 Maj 2017, 16:10, Aktualitet CNA

Frika se mos deputetë të PDK-së, që janë në bashkëqeverisje me LDK-në, i bashkëngjiten votës ?pro? të opozitës për rrëzimin e qeverisë Mustafa, e ka detyruar kryetarin Kadri Veseli të intensifikojë kontaktet me këta të fundit.

Lajmet e fundit mediatike nga Kosova flasin për dy sms të shpërndara në adresë të deputetëve, nga ana e Veselit, nëpërmjet të cilave ai i lajmëron për mbledhjen e  Këshillit Drejtues të partisë, por edhe të grupit parlamentar.

Tematika e të dy takimeve është qëndrimi unanim që duhet të mbahet lidhur me mocionin e mosbesimit që kanë paraqitur 40 deputetët e opozitës, e që është caktuar të diskutohet në seancën e nesërme parlamentare, së bashku me marrëveshjen e demarkacionit.

Ndërkohë që takimi me grupin parlamentarë është projektuar të mbahet mbrëmjen e sotme, ai i Këshillit Drejtues të PDK do të zhvillohet mëngjesin e nesërm, para nisjes së seancës plenare, në të cilën pritet që si mocioni edhe marrëveshja të kundërshtohen ashpër nga opozita.

Por ajo që e shqetëson më tepër Kadri Veselin, kryetarin e PDK, njëherësh edhe kryetar i Kuvendit është fakti se disa prej deputetëve të tij janë pozicionuar hapur ?pro? mocionit gjë që mund të ndikojë në krijimin e frymës tek të tjerët.  Kuvendi do të nis punimet në seancë plenare nesër në ora 10:00./ CityNews





Lajmet e fundit nga